Allama Muhammad Iqbal

Allama Iqbal Biography In Urdu

Poet of East Allama Muhammad Iqbal was born on 9 November 1877 in Sialkot. His father name was Sheikh Noor Muhammad and mother name was Imam Bibi. Allama Iqbal got his initial education from the mosque where he learned Quran and Arabic language from Syed Mir Hassan. After the advice of Syed Mir Hassan Allama Iqbal was admitted in the Scotch Mission College. From Scotch Mission College Allama Iqbal has completed his Matriculation in 1893 and intermediate in1895. Allama Iqbal has done B.A from Government College Lahore in 1897 and M.A in philosophy for further studies Allama Iqbal went to England. Allama was very lucky to have teachers like Syed Mir Hassan and Sir Thomas Arnold. The name of Allama Iqbal was written in the history of Pakistan from golden word. Allama Iqbal was a great poet, philosopher and a politician. The efforts of Allama Iqbal for the Muslims of Sub continent were unforgettable.

In 1908, Allama Iqbal became the member of Muslim League Landon branch. In November 1926, Allama Iqbal was elected as the member of provincial assembly Punjab for 4 years. In January 1927, Allama Iqbal was selected as the general sectary of Muslim League Punjab. From 1930 to 1932, Allama Iqbal was attended two round table conferences in Landon. The poetry books of Allama Iqbal in Urdu are Bang e dara, Bal e Jibreel and Zarb e Kaleem and in Persian the books of Allama Iqbal are Asrar e khudi, Ramooz e Bekhudi, Payame mashrik, Zaboor Ajam, Javed nama. The last book of Allama Iqbal was Armughan e Hijaz. Allama Iqbal was died on 21 April 1938. The tomb of Allama Iqbal is in Lahore. In this page, you will read Allama Iqbal Biography In Urdu , Allama Iqbal Life History In Urdu .

                                                                   

Mufaqir e Pakistan Doctor Muhammad Allama Iqbal ka naam tehreek e azadi ke rehnumaon mein hamesha sunehri horof se likha jaye ga. App beyak waqat aik azeem shair, falsafi aur Siasatdan thay. Bar e Sagher junobi Asi amein musalmaon ke ijtemai shaor ki bedari o tarbiyat, musalmaon ki tehzibi aur fikri tamir e no ke silsile mein un ki khidmat humari mili tarikh ka roshan bab hain. Alama Muhammad Iqbal 9th November 1877 ko bazaar chori giran muhala Kasmiriyan, zila Sialkot (Punjab) mein peda howae. Aap ke abao ajdad supro got ke Kasmiri pandit the jo ghaliban satarwen eswen ke akhir mein halqa bagosh Islam howae aur taqreban aik so saal bad Alama Muhammad Iqbal ke dada Sheikh Muhammad Rafiq Kashmir se hijrat kar ke zila Sialkot mein qayam pazir howae. Allama Iqbal ke walid khayati ka kaam karte the aur unhon ne kisi maktab mein taleem na pai thi lekin osol ke pakke, aala zarf aur sada tabyat the. Tijarat pasha hone ke bawajod sofiya aur ulma ki majlis mein bethte aur un ki suhbat mein rehne ki wajah se shariyat o tariqat asarar o ramoz se pori tarah agah the. Sofiya ki sohbat ne un mein haq shanasi ka esa johar peda kar deya tha ke log un ko “un parh falsafi” kaha karte the. Sheikh noor Muhammad ka inteqal 1929 mein howa tha. Allama Iqbal ki walidah ka naam Imam Bibi tha jinhon ne sirf nazrah Quran pak parha tha. Wo agarcha nakhuwandah thein lekin bari samajhdar, mamla feham aur mutaqi o parhezgar khatoon thein.

Alama Muhammad Iqbal ki ibtedai taleem ghar aur maktab mein hoi aur phir Scotch Mission School mein dakhil howae. Allama Iqbal bohat khush qismat the ke un ko molvi Syed Mir Hassan jese ustad nasib howae jo na sirf dars o tadris mein aala darje ki maharat rakhte the balke farsi aur arbi ke mayanaz alim the. Molvi Mir Hassan ki shagirdi mein Allama Iqbal ne arbi aur farsi zaban par dastaras hasil ki. Unhon ne urdu, farsi ki kilasiki shairi aur fani barikiyon ko bhi Molvi Mir Hassan se samjha. Molvi Mir Hassan ke mashware par hi aap ko Scotch Mission School mein dakhi kara deya gaya jahan Molvi Mir Hassan khud bhi arbi aur farsi ki tadris ke faraiz injam dete the. Aap ne usi school se 1893 mein matric aur 1895 mein F.A ka imtehan pass kiya. Scotch Mission College (mujodah Murray College) ke zamana e talibelmi mein hi Allama Iqbal ne mushairon mein hissa lena shuru kar deya tha. Unhon ne ibteda mein apna kalam Mirza Irshad Gorganvi ko dekhaya aur apni nazmein aue ghazlein mashhor shair Mirza Dagh Dehalvi ko bator islah irsaal kein. Chand nazmon aur ghazlon ki islah ke bad Dagh Dehalvi ne ye likh deya ke ap ko mazid islah ki zarorat nahi hai.

1895 mein Allama Iqbal ne mazid taleem ke leye Government College Lahore mein dakhla leya aur 1897 mein B.A aur 1899 mein M.A falsafa ki degree hasil ki. B.A ke imtehan mein English aur arbi ke mazmon mein talai tamghe hasil kiye jab ke arbi ke mazmon mein Punjab bhar mein awal rahe. Isi tarah M.A ke imtehan mein bhi tamgha hasil kya. Yahan un ke ustad Sir Thomas Arnold jese fazil the aur Sir Meyan Fazal Hussain jese siyasatdan, un ke hum jamat. Allama Iqbal ki taleem o tarbiyat mein professor Arnold ne itna hi mosar kirdar ada kiya jitna Molvi Mir Hassan ne. agar Molvi Mir Hassan ne ap ko mashriki afkar, adab o elomse mutarif karaya tha aur professor Arnold ne un ko maghribi afkar, falsafa aur tehzib se roshanaz karaya.

1899 mein Allama Iqbal Oriental College Lahore mein bahesiyat tarikh o falsafa ke reader muqarar howae aur bad izan January 1901 mein Government College Lahore mein English aur falsafa ke assistant professor muqarar howae aur is uhde par 1905 tak mamor rahe. Isi zamane mein aap ki pheli Urdu kitab “elm ul iqtasad” shaya hoi. Professor Arnold ke mashware par Allama Iqbal aala taleem ke husol ke leye englistan (England) chale gaye aur wahan Cambridge University ke mashor e zamana trinity College mein dakhala leya aur B.A honors ki degrre hasil ki. Cambridge University se degrre hasil karne ke bad aap ne apne ustad ki madad se Cambridge mein rehte howae doctorate (PHD) ki sanad ke leye miunikh University (Germany) mein registration karai aur 1907 mein apne haqiqi muqala “Iran mein mabad ul tabyat ka irteqa” par degrre hasil ki. Isi doran ap ne wahan bar at law bhi kar leya aur 6 mah tak university college mein arbi ke qaim maqam professor bhi rahe 1908 mein wapis Hindustan aaye aur Lahore chief court mein wakalat shuru kar di aur sath hi Government College Lahore mein bahesiyat professor tars o dadres se wabasta ho gaye. Aap ki wakalat ka silsila 1934 tak jari raha jab ke sirf teen saal bad 1911 mein aap ne professor ki hesiyat se istefa dedeya tha. 1922 mein hukumat e Bartaniya ne Allama Iqbal ki adabi khidmat ke eteraf mein “Sir” ka khitab deya tha.

1926 mein aap ki kitab “masnoi israr e khudi” farsi zaban mein shaya hoi thi.1929 mein unhon ne engrezi (english) zaban mein 6 khutbe Madras, Mesoor aur Hyderabad Dakin mein deye. Isi doran aap ke farsi aur urdu nazmon ke majmoye yake bad degare shaya howae. Allama Iqbal safar e Europe (1905) se qabl mutehdah qomiyat ya Hindustani quom parasti ke dai the. Un ki ibtedai shairi mein esi nazmein milti hainjin mein wo aikpake quom parast nazar aate hain tahum Europe pohanch kar unhon ne aik bikul nai duniya dekhi. Europe ka elmi andaz e fikr, tarz e hayat aur sanatein jin ki badolat insan ki khidmat ka kaam leya jata tha bohat pasand ayein lekin dosri taraf us ki kharabiyan dekh kar us se bari bezari paida hoi. In mushidat aur tajurbat ne Allama Iqbal ke khayalat aur ghor o fikr ke andaz ko bilkul badal deya. Un ke khayalat par Quran Majed aur maghribi falsafe ka zabardast asar para chunacha aap is natije apr pohanch gaye ke duniya ki nijat sirf islami talimat ikhtiyar karne mein hi hai aur jab wo 1908 mein Europe se wapis aaye to Islam, Islami aquaid aur Islami itehad ke aik pur josh mubligh ban chuke the.

Allama Iqbal siyasat ko shajar e mamnoa nahi samajhte the lehaza unhon ne nazri aur fikri hawalon ke sath amli tor par bhi siyasat mein hissa leya. Aap ki Muslim league se wabastagi, un ke qayam e Landon se shuru hoti hai. 1908 mein watan wapsi se chand mah qabl wo Muslim League ki Landon shakh ki majlis e aama ke rukun banne. Muslim League ki Landon shakh Bangal ke Syed Ameer Alli ne qaim ki thi aur is ka maqsad baresageer ke musalmanon ke leye judagana intekhabat ke usol ko tasleem karane ke leye Bartanwi rai aama ko hamwar karna aur parliament ke araken ko qail karna tha. Lahore wapis akar Muslim League ki sobai shakh se un ka taluq bhi shuru mein fikri bunyadon par tha. Mesaq e Lakhnow (1916) par Punjab ki taraf se Sir Meyan Fazal Hussain ne dastakhat keye the magar Allama Iqbal is ke haq mein nahi the kyun ke wo samajhte the ke congress is muhaide ki aar mein mutehdah qomiyat ke leye rah humwar kare gi. Bad izan jab tehrik e khilafat (1919 ta 1923) shuru hoi to musalman zama, hiduon ke sath tehrik e tark e mawalat mein bhi sharik ho gaye lekin Allama Iqbal is baat ko pasand nahi karte the ke musalman hiduon ke sath mil kar tehrik chalayein.

November 1926 mein Allama Iqbal 4 saal ke leye Lahore ki muslim nashist se Punjab ki sobai assembly ke rukun muntakhib howae. Assembly ke member ki hesiyat se unhon ne kai mufeed qawanen manzor karane mein nahayat aham kirdar ada kia. January 1927 mein Allama Iqbal Punjab Muslim League ke general sectary muqarar howae the magar is dor mein Allama Iqbal aur Quaid e Azam Muhammad Ali Jinnah ke nazaryat mein kuch ikhtelafat the. Quaid e Azam makhlot intekhabat ke hami aur hindu muslim mafahimat ka nazarya rakhte the jab ke is ke bar khilaf Allama Iqbal makhlot intakhabt k ghair mozon aur judagana intekhabat ke zabardast hami the. March 1927 mein Sir Shafi ne Delhi tajaweez mein judagana intekhabat se dastbadari ki shik se ikhtelaf karte howae ihtejajan Muslim League mein aik elehdah group “Shafi League” ke naam se qaim kiya to Allama Iqbal ne Sir Shafi ka bharpur sath deya aur is group ke sectary general muqarar howae. Isi tarah Hindustan mein nai dastori islehat ki sifarishat muratab karne ke leye jab Simon Commission February 1928 mein Hindustan aaya to Quaid e Azam aur congressi qauiden ne commission ka boycott kiya jab ke Sir Shafi aur Allama Iqbal ne commission ka khair maqdam kiya. August 1928 mein Nehru report manzar e aam par aai aur is ke jawab mein Quaid e Azam Muhammad Ali Jinnah ne 1929 mein apne 14 nuqat pesh keye to is se Muslim League ke donon dhar mutahid ho gaye aur donon zama ke ikhtelafat bhi khatam ho gaye. Allama Iqbal aur Quaid e Azam ke afkar mein pheli bar hum aahangi paida hoi.

December 1930 mein Quaid e Azam ki khuawahish par Allama Iqbal ko Muslim League ke salana ijlas munaqidah Allahabad ki saddarat pesh ki gai. Apne saddarti khutbe mein Allama Iqbal ne baresaghair ke musal manon ke leye aik elehdah watan ka tasawor pesh kar ke musalmanon ki manzil ka taiyun kar deya tha.unhon ne farmaya:“Meri khawahish hai ke Punjab, Soba e Sarhad, Sindh aur Baluchistan ko aik ho riyasat mein mila deya jaye. Khowa ye riyasat saltanat e Bartaniya ke indar hukumat khud ikhteyari hasil kare, khuwa is ke bahar. Mujhe to esa nazar aata hai ke shumali maghribi Hindustan ke musalmanon ko bila akhir aik munazam muslim riyasat qaim karna pare gi.”

Hidustan ke siyasi tasfiye aur dastori masail par ghor karne ke leye 1930 se 1932 tak Landon mein gol meiz conference ke teen ijlas munaqid howae jis mein baresaghir Pak o Hind ke siyasi rehnumaon ne shirkat ki. Allama Iqbal is ke dosre aur terse ijlas mein sharik howae aur is mein musalmanon ke hoqoq ki bharpur wakalat ki aur Hindustan ke mutalbat ko behtar andaz mein pesh kiya. Unhon ne sobe ke ikhteyarat mein izafa aur markaz ke ikhteyarat mein kami ka bhi mutalba kiya. Gol meiz conference se wapsi par aap Spain, Turkey aur Falasteen bhi gaye. 1933 mein Allama Iqbal, Syed Salman Nadwi aur Sir Ras masood ke sath Nadir Shah ki dawat par Afghanistan ke jashan e istaqlal mein sharik howae aur Shah ki farmaish par Syed Salman Nadwi aur Sir Ras Masood ki madad se Afghanistan ki talemi scheme muratab ki. 1929 se 1934 tak ke arse mein Allama Iqbal all parties conference ke sath wabasta rahe. Ye conference Nehru report ke jawab mein hidustan ke aaindah dastor mein musalmanon ke mutalibat ko manzoor karwane ke leye qaim ki gait hi. March 1932 ko aap ko conference ka sadder bhi muqarar kiya gaya tha.

All India Muslim League ki tanzeem e no ke baad Allama Iqbal ko Punjab ka sadder muntakhib kiya gaya aur unhon ne Muslim League ko aik fal jamat banane ke leye Quaid e Azam ka bharpur sath diya. 1937 ke sobai intakhabat mein nakami ke bawajod aap ne himat nahi hari aur Muslim League ke leye kaam karte rahe. October 1937 mein Lucknow ke muqam par “Sikandar Jinnah Pact ” amal mein aaya to Allama Iqbal ne itmenan ka sans liya ke ab Punjab sahi simt ki taraf chal para hai lekin jald hi unhon ne ye mehsos kar liya ke Sikandar Hayat, is muhaide ki aar mein Muslim League ke wajod ko khatam kar dena chahete hain chuncha aap ne is sorat e haal se Quaid e Azam ko aagah kiya lekin is ke chand mah baad hi 21 April 1938 ko aap ne wafat pai. Aap ki shairi ke majmoye mein Bang e dara, Bal e Jibreel aur Zarb e Kaleem urdu zaban mein hain jab ke farsi mein Asrar e khudi, Ramoz e bekhudi, Payame mashrik, Zaboor Ajam, Jaweed nama shamil hain. Allama Iqbal ki akhiri kitab Armughan e Hijaz hai.

Major Aziz Bhatti Shaheed

Major Aziz Bhatti Shaheed In Roman Urdu

Major Aziz Bhatti Shaheed family belong to District Gujrat, district headquarters nearly 110 miles away was a small village. Major Aziz Bhatti Shaheed was born in Hong Kong in 1928. Major Aziza Bhatti two uncles, Imam-ul-deen and Ahmed Deen was employer of Hong Kong police. In childhood life, Major Aziz Bhatti liked to play football, cricket, hockey and tennis. After returning Pakistan, he started career in pilot job and in 1947, he appointed as a position in Corporal. He was the brave commander of Pakistan. 10 September 1965, he was martyrdom by an enemy tank shell. Major Aziz Bhatti awarded the highest military award of Nishan-e-Haider

Major Aziz Bhatti Shaheed ka khandan zila Gujrat kay zila Sadar moqam sey taqreban 110 miles door aik chotay sey dehat sey taluq rakhta tha. App kay do cha cha Imamuddin aur Ahmed din Hong Kang Police mein mulazim thay. Lehaza app kay walid Mohammed Abdullah bhi talash rozgar kay silsilay mein Hong rawana huwe aur wahan sey Queen’s College sey teen sala tadresi tarbiati course pass ker kay kuch arsa moallim rahay aur phir Reserve police mein bharti hogay. 6 August 1928 ko Hong Kong hi mein Aziz Bhatti peida hoye. Waldain nay in ka naam Aziz Ahmed rakha lakin ghar mein piyar say unhain Raja Raja keh kar pukara jata tha.

Bachpan mein Major Aziz Bahtti ko Football, Cricket, Hockey aur Tennis bohot pasand thay. Major Aziz Bhatti Shaheed ko moshque sey bhi bohot dilchaspi thi aur app Mouth Organ baray shoq sey bajaya kertay thay. Major Aziz Bhatti ko bachpan mein khelon mein “Likan meti” bohot pasand tha. App middle tak ibtedai taleem sira mein Kadoorie School Hong Kong mein hasil ki Metric kernay kay bad Mejor Aziz Bhatti Shaheed Queen College Hong Kong mein dakhla lay liya. College mein app ki zahanat ko dekhtay huye Principal ki safarish per Britannia hokomat ney app ko ala taleem kay liye wazefay ki pesh kash ki. Japan per Hong Kong kay qabzay kay bad app ko taleem ka silsila munqata ker kay Japani Behriya mein Watch and Ward ki hasiat say molazmat kerna pari. Unhein gair mamuli salhiyaton ki waja sey app Head Watch man kay uhday per ja poncay bad azan app nay Japani Behria key Captain key course mein dakhla leya aur bil akhir December 1945 mein apnay khandan key hum rah masaib o alam jhelnay key bad watan wapis lot aye. June 1946 mein app ki shadi Naib Subedar ki sahebzadi Zarina Akhtar sey anjam pai. Yehan yad rahay kay unki ahliya ka asal nam Rashida tha lakin Aziz Bhatti ney azrah mohabbat un ka nam Zarina rakh diya. Qudrat ney app ko char beton aur do betion sey nawaza.

Apnay Watan anay kay bad Major Aziz Bhatti ney 1946 mein batour Airman ka agaz kiya aur 1947 mein karporal kay uhday per faiz huwe. 1948 mein app nay Pak Fouj mein molazmat kay leye darkhast di 21 January 1948 ko Wazir Azam Pakistan Liaquat Ali Khan nay Aziz Bhatti ko Eazazi Talwar aur Norman talai tamgah anayat kiya 1950 mein Major Aziz Bhatti Second Lieutenant ki haisiat sey 4/16 Punjab Regiment sey munsalik rahay. 24 January 1951 sey lay ker 11 January1953 tak Aziz Bhatti Shaheed add joint lieutenant rahay. jab kay February 1953 sey December 1953 tak captain add joint rahay.

January 1956 mein Major Aziz Bhatti Shaheed ko ala tarbiat kay leye Canada bhej diya geya jahan sey wapsi per app nay Kohat aur Jhelum mein GSO second operations ki hasiat sey khidmat anjam dein. June 1961 sey June 1962 tak app 17 Punjab Regiment sey wabistah rahay jab kay June 1962 sey June 1964 tak app nay Infantry School Quetta mein molazmat ki January 1965 sey May 1965 tak app Punjab Regiment mein second in command ki hasiat sey molazmat kertay rahay. 29 August 1965 ko hangami halat kay pesh e nazar Major Aziz Bhatti Shaheed ki rukhsat mansukh ker di gai aur app ko fori tour per hazir honay ka hokum huwa. 6 September 1965 ko Bharat kay hamla awar honay per app ko Barki kay mahaz per bheaj diya gaya. Mahaz per rawanah honay sey pehlay Major Aziz Bhatti Shaheed nay apni ehliya sey kaha “ Mein aaj jis qadar khush hun tum atni udas ho rahi ho mojahedin kay leye maidan jang ko rawana honay ki saat unki zindagi ki mobarak taren saat hoti hai. Tumhein maloom hai kay aaj mein watan aziz per napak azaem kay sath hamlah kernay walay zalelo makkar dushman ki sarkobi kay leye maidan mein jar raha hon. Meri khahish hai kay tum mujhay khushi khushi rukhsat karo agar mein iss moqaddas jahad mein shaheed ho jaun to ansu na bahana.”

6 September 1965 ko sabhay sat bajay app mahaz per pahonchay aur jeep se utar ker morchon mein gaye aur sipahyon se mokhatib hoker kaha “Bahadro dat ker moqabla karo.” Company commander ki hasiat sey Major Aziz Bhatti ki post BRB kay thi lakin unhon nay apnay leye OP ki post ka intekhab kea jo agar chay khatray wali jagah thi lakin dushman kay qareb thi 6 aur 7 September ko Major Aziz Bhatti Shaheed nay khan khanay sey inkar ker deya aur sathyon sey kaha kay “mein abhi aram nahin karun ga mujhay app logon kay aram ki zarurat hai.” 8 September 1965 ko jab dushman nay chenk wandi sey bharpur hamlah keya to unhon nay aram keye bagair dushman per zaberdast hamlah kerkay usay pispa ker deya iss moqa per jab commanding officer kernel Quraeshi nay unhain aram ka hokum deya to unhon nay aik azam sey kaha. “ Sir Ye bara nazuk mahaz hai mein iss jagha dushman ki naqlo harkat sey puri tarah waqif ho chukka hun naye afsar ko samajhnay mein waqt lagay ga lahza mujhay aram ki zarurat nahin.”

10 September ko dushman kay aik golay ki zad mein aker Major Aziz Bhatti shaheedhuya aur zindah javed ho gaye unhon nay mulk o millat ki laj rakh li aur apni jaan ka nazrana day ker usay bacha leya.

 

Liaquat Ali Khan

Liaquat Ali Khan  Biography in Urdu

Liaquat Ali Khan was the First Prime Minister of Pakistan. He was born in 1st October 1896. The completed his Graduation in 1918 from MAO College Aligarh and he also took the Degree of Law from Oxford University. He joined All India Muslim League and became the Secretary Genernal in 1936. His second wife Rana Liaquat Ali also took an active part in politics. In this page you will read Liaquat Ali Khan biography in Urdu and Roman Urdu.

Liaquat Ali Khan Pakistan ka pehlay wazeer-e-Azam thay. App Hindustan kay alaqay karnal mein 1 Octuber 1896 kay roz paida huye. Nawab zada Liaquat Ali Khan, Nawab Rustam Ali khan kay dosre betay thay. App ki walda Mehmoda Begum nay ghar per app kay liye Quran Pak aur Ahadees ki taleem ka intazam karwaya. 1918 mein app nay MAO College Aligarh say graduation kiya. 1918 mein hi app nay Jahangir Begum say shadi ki. Shadi kay baad app Britannia chale gaye jahan say app nay oxford university say qanon ki degree hasil ki aur 1922 mein England bar mein shamoliyat ikhteyar ki.

Political Career

Liaquat Ali Khan 1923 mein Britannia say wapas anay kay bad app nay apne mulk ko ghair mulki tasalut say azad karwane kay liye siasat mein anay ka faisla kiya. App nay Muslim League mein shamoliyat akhtayar ki. 1924 mein Quaid-e-Azam Muhammad Ali Jinnah ki Zair-e-qayadat muslim league ka ijlas Lahore mein huwa. Iss ijlas ka maqsad Muslim League ko dobara munazam karna tha. Iss ijlas mein Liaquat Ali Khan nay bhi shirkat ki. Tezi say siasi manzilain tay kartay huwe app 1936 mein Muslim league kay secretary journal bane aur iss say bhar kar ye kara kay Quaid-e-Aaza kay dast rasat ki hasiyat hasil ki.

Liaquat Ali Khan 1926 mein Uttar Pardesh say qanoon saz assembly kay rukan munkhateb huwe aur 1940 mein markazi qanon saz assemble kay rukan muntakhab hoye tak app UP assembly kay rukun rahay. 1932 mein app nay dosri shadi ki. App ki dosri Begum Rana Liaquat Ali Khan aik mahir-e- taleem aur maishatdan thin. App Liaquat Ali Khan ki siasi zindagi ki aik behter mayaun sabit hoyein aur app kay shahadat kay bad bhi mulk o qaum kay liye khidmat anjam deti rahien. 1940 mein app markazi assembly kay rukan muntakhab huye jis mein app nay Quaid-e-Azam ki Muslim League kay dipti Parlimani leader ki hasiyat say bara kam kiya. Quaid-e-Azam say bard kar app kay zati joharon say koi shakh waqif na tha. Liaquat Ali Khan bari khamoshi aur sakon say tameeri kam karne kay adi thay. Qauid-e-Azam nay inhi khobiyun ki bina per app ko fakhariya apna dost rast qarar dete huwe kaha tha.

“Qaumi jad o jehad app Nawabzada Liaquat Ali Khan meray dost rast rahay hain unhonay qaum ki khidmat app din rat aik kardiya hai aur koi shaks asani say is baat ka andaza nahi laga sakta kay unho nay apne kandho per kis qadar bojh utha rakha hai. Tamam Musalman in ki qadro manzilat kartay hain woh Nawabzada honay kay bawajud aik awami insan hain aur mujhay yaqen hai kay dosray Nawab un ki talqeed karein gay.”

Liaqat Ali Khan 1943 mein dobara All India Muslim league kay ownery secretary muntakhab huwe. Liaquat Ali Khan ki anthak kohish say Muslim League aik munazam, mustehkam aur fal jamat ban gaye lakin app kay asli johar is waqt manzar-e-Amm per aye jab Liaquat Ali Khan 1946 mein Hidustan ki abori hukumat mein Wazir-e-Khazana muqarar huye. baqaul Moulana Abul Kalam Azad, Rafi Ahmad Qudwai ki tajweez thi kay hum Muslim league kay umeedwar ko wazir-e-khazana qabool karlain. Un ka khayal tha kay league ye peishkash qabool nahi karegi. Iss liye congress iss mouqay say faida uthaye aur agar League nay ye peishkash qabool karli to isay jald apni himaqat ka pata chal jaye ga. Sardar Patel ye tajweez sunkar khushi say uchalnay lagey aur iss ki pur zur taid ki. Saray congress rehnuma umeed lagaye bethay thay kay Liaquat Ali Khan iss wazarat ki zimedariyan nibhane mein buri tarah na kaam rahein gay. Magar Liaquat Ali Khan feham o farasat na Congress ka mard ahan Sardar Patel ki jan muskil mein kardi Patel ko is hukumat mein wazarat-e- dakhla ki kursi mili thi magar masla ye tha kay is ki koi tajwez bhi Wazeer-e-Khazana ki taid kay bagair manzoor na ho sakti thi. Maulana Abul kalam Azad likhtay hain kay Patel ki har tajweez ko Liaquat Ali Khan na manzor kardetay. Issi mein app tarmem kardetay. Iss haisiyat mein app nay aisa bajat peish kardiya kay dost to kiya dushman bhi assh assh karne per majbor hogaye. Kisi ko umeed na thi kay app aik khandan Nawabzada aik gareebi nawaz bajat paish karega.

14 August 1947

14 August 1947 ko Pakistan wajud mein agaya. Iss nowzayed mumlikat ki Wazarat-e-Uzma ka baray girha bhi app kay kandhon per dala gaya. Jab Karachi mein Lord Mount Batten ki moujodgi mein Quaid-e-Azam nay Pakistan kay pehlay Governor General ki haisiyat say taqreer ki to in kay saro per Liaquat Ali Khan ka tajweez karda parcham sitara-e-hilal puri shan kay sath lehra raha tha. Wazarat-e-Uzma kay elawa wazarat-e-kharja aur defa ki zimedariyan bhi app nay hi uthayein. Pakistan kay qiyam kay baad muhajireen ki bahali ka masla bara pechida tha. Idhar kashmir kay halat degergon ho rahay thay. Bharat mein khon Muslim ki arzarani Musalmano ko khon kay anso rula rahi thi. Inn sub masail ko hal karne mein app nay koi daqeqa utha na rakha.

Quaid-e-Azam ki wafat kay bad app ki zimedriyon mein so guna izafa hogaya iss khala ko pur karna asan na tha jo Quaid-e-Aazam ki wafat say paida huwa tha, iss liye mumlikat Pakistan kay zamen boos hone ki paish goiyan ki janay lagein lakin Liaquat Ali Khan nay unthak mehnat aur azam ki badaulat in sub peshgoyun ko ghalat sabit kar dakhaya. App ki baz police say ikhtelaf mumkin hai lakin ye amar waqiya hai kay Quaid-e-Azam ki tarha Liaquat Ali Khan bhi pakistan hi ko apna sarmaya, apna khandan apna sub kuch samjhtay thay. Liaquat Ali Khan nay na koi bank balance jama kiya na hi khandan walon kay liye koi munafa hasil karne ki koshish ki.

Liaquat Ali Khan 1949 mein yourap aur Islami mumalik ka dorah kiya .1951 mein Daulat-e-mushtaraka kay Wazra-e-Azam ki conference mein shirkat kay liye londan tashref lay gaye aur Masla-e-Kashmir per baat cheet kar kay wapas aye. 1951 mein Bharat apni muslah afwaj aur baktar band devotion Pakistan ki sarhad kay qareeb lay aye. Ahliyan Karachi aik zabardast jalos ki shakal mein app ki qiyam gha per pouchay app balai manzil per namodar huye aur apna muka hawa mein lehra kar pur josh lehjay mein kaha.

Assassination of Liaqat Ali Khan

“Dekho, pancho ungliyan jab tak alag alag hon to in ki quwat kam hoti hai lakin jab ye mil kar muka ban jaye to ye muka dushman ka moun tor sakta hai. Pakistan jang nahi chahta lakin agar is hamla huwa to Pakistan ka ye muka hazir hai.” Liaquat Ali Khan ka ye muka Pakistaniyun kay azam aur in ki qowat o itehad ki alamat ban kar ane wale zamano per muheet hoga. 16 October 1951 kay roz app Rawalpindi kay Liaquat Bagh sabqa company bagh mein aik jalse say khitab karnay kay liye stag per aye hi thay kay syed Akbar nami aik shaks nay app per goli chala di. App hospital lay jatay huye rah mein shaheed hogaye. wafat kay bad jab app ki sharwani utari gai to maloom huwa kay iss kay niche app nay pewand zada banyan pehan rakhi thi.

Liaquat Ali Khan kay qatil ka muma ajj tak hal nahi ho saka. Iss shaam company bagh mein app per goli chalne kay bad jo kuch huwa, Iss per un ginat sawalat uthaye ja saktay hain. Bohot say aisay afrad ki taraf ishara kiya ja sakta hai jo app ki policiyon ki bina per app kay dushman thay aur app ko rah say hathane kay khuwaishmand thay magar in sub bato mein sirf aik hi bat shakook o shubhat ki dhunlahaton say bala tar ho kar numaya nazar ati hai aur woh ye kay app kay inteqal kay bad Pakistan mein siasi adam istehkam ka aisa daur shuro huwa jo ta hall khatam hone mein naahein aya. Pakistan ki siasi tareekh, mein app bare rehnuma thay jo gair tabbi mout kay shikar huwe aur app kay bad is unjam tak pouchnche wale degar siasi quaideen ki tarha app ki shahadat kay zimedar bhi ajj tak qanon ki nigha say ojhal hain.

Mian Muhammad Nawaz Sharif

Nawaz Sharif Biography In Urdu

Mian Muhammad Nawaz Sharif was born in 25 December 1949 in Lahore. He got his early education from Saint Anthony High School Lahore. He is completed graduation Government College Lahore and also he completed LLB from University of Punjab. Nawaz Shari became first time Chief Minister of Punjab in 9th April 1985. In this page you will read Mian Muhammad Nawaz Sharif in Urdu and Roman urdu.

                                                     

Mian Nawaz Sharif 25 December 1949 lahore mein paid hoye. App nay ibtadai taleem Saint Anthony High School Lahore say hasil kiya aur Government Colleague Lahore say graduation kiya. Iss kay alawa app nay Punjab University say LLB ki Degree bhi hasil ki.Taleem say farig honay kay baad khandan kay degar naujawano ki tara app bhi khandani karobar say munsaliq ho gaye aur mutadid company kay managing director aur director rahay. Iss dauran apnay walid Main Mohammad Sharif kay zeer-e-saya “Itafaq Islamic Academy” kay naam say talemi adara qaim kiya iss kay sath sath is kay sarbarah Dr Tahir ul Qadri ko muqarrar kiya. Iss kay alawa “Ittafaq Hospital” kay naam say aik hospital bhi qaim kiya. Iss kay alawa app nay amali saisat mein bhi hissa liya. Khuch arsay baad Nawaz Sharif Punjab kay sobai council ka hissa rehnay kay baad 1981 mein Punjab kid sobia kabina mein bator wazeer-e-khazana huya.

Nawaz Sharif Daur Hukumat

1985 kay amm intaykahbat (General election) mein Mian Nawaz Sharif qaumi aur subai assembly ki seaton pay bhari aksaryat say kamyab huye. 19 April 1985 ko Nawaz Sharif nay Panjab kay wazir-e-alla ki hasyat say halaf uthaya. 31 May 1988 ko General Zaiaul Haque ki taraf say subai assembly ki barkhs tagi kay bad Mian Nawaz Sharif ko Punjab ka nigran Wazir aala namzad keya geya Janab Nawaz Sharif 1988 kay intaykahbat mein dobarah wazeer-e-Alla muntakhib huye unki iss muddat mein Mari aur Kahota mein zabardast taraqi hui. Iss kay sath sath Mohtarma Benazir bhutto ki hukumat kay sath sath unki ikhtilafat bhi chalti rahi unhon nay Mohtarmah Benazir bhutto kay khaylaf tahrek adam ataymad mein barh carh kar hissa leya lakin kamyabi hasil na kar sakay. Markaz aur suba Punjab kay darmyan kashidgi ki fiza baqarar rahi ta waqat kay 6 August 1990 kay roze Sadar Ghulam Ishhaq Khan nay Benazir Buttu kid hukumat khatam kar deya.

24 October 1990 ko honay walay intakhabat say qabal Awami National party, Pakistan Muslim league, Jamiat Ulema Islam aur sabiq COP mein intaykhabi mohayda tay paya aur un jamaton nay milkar IJI kay baynar talay intakhabat mein hissa leya. Iss ithad nay intaykhabat mein numayan aksaryat say kamyabi hasil ki aur 1 November 1990 kay roze Nawaz Sharif ko palimony leader chun leya geya. 6 November 1990 ko Nawaz Sharif nay Wazeer-e-Azam ki haisiyat say halaf uthaya. App nay pehlay daur hukumat mein kaye aham aqdamat keye lakin iskay sath sath people’s party kay sath sath kashedgi ka silsila jari raha. Mulk ki saisi surathal tahal puri tarah bahal nahein hui thi iss par hukumat aur aik bari siasi jamat ki mahaz arai nay jalti par tail ka kaam keya. Benazir Bhutto ki tarah Nawaz Sharif bhi 5 (panch) saal puray nahi kar sakay aur President Ghulam Ishaq Khan nay unki hukumat ko bhi taqriban unhi ilzamat kay taihat rukhsat kar deya jo pehlay Benazir Bhutto ki hukumat per lagaya gaya thay. Agar chay mulk ki Adalat-e-Uzma nay aik ayni muqadmay kay baad unhain dobarah un kay uhday pay bahal to kar deya lakin phir bhi July 1993 mein Sadar Ghulam Ishaq Khan kay sath Mian Nawaz Sharif ko bhi apnay uhday say istayfa dayna para.

Nawaz Sharif Aur Mulki Sanat 

Nawaz Sharif kay dour mein niji shobay kay tawun say mulki sanat ko mazbot bananay ki koshish ki gayein. Ghazi Barotha aur Gwadar bandergha jaisay mansubay shuru keye gaye. Sindh kay bay zameen hariyon mein zameen taqseem ki gaien. Wasti Asia Muslim mumalik say taluqat mustahkam keye gaye. Iqtaysadi tawun ki tanzeem ko taraqqi de gai. Afghanistan kay bohran ko hal karanay mein madad die gai. Mulk ki nigran wazarat-e-Uzma pahlay Balakh sher Mazari aur phir Moin Qureshi ko mili aik bar phir intakhabat huye. Iss martabah People party ko kamyabi hasil hui. Benazir bhutto palimaney leader aur nai Wazir-e-Azam bani. Unkay daur-e- hukumat mein Nawaz Sharif datkar unki mukhalfat kartay rahay. Nawaz Sharif nay 2 June 1993 ko qaumi assembly mein Mehran bank scandal mein Sadar Pakistan kay maluwis honay kay sabot faraham keye.

12 June 1994 ko bujat par bahas kartay huyae kaha kay bajat masakh shudah haqayaq ka majmua hay 20 July ko aik baray jalsa e amm say khaytab kartay huay kaha kay ajj mulk ko tornay walon ki aulad aqtaydar mein hay. Mujhay aqtaydar milay na milay unhain jana hoga unhon nay Benazir hukumat kay khatmah kay leyeh tahryk najat ka alan keyah 4 November 1994 ko parlimant kay mushtarkah ijlas mein apozishan ki janib say zabardast ahtayjaj hua aur sadar kay khaytab ka mokammal tour par batkat keya geya. 5 November 1996 ko sadar Farooq Ahmad Khan Leghri nay Benazir hukumat ka khatma kar deya aur February 1997 mein election kar waye un election mein Mian Nawaz Sharif ko zabardast kamyabi huie aur woh dobarah wazir-e-azam bangaye 1970 kay intakhabat kay baad mulki ki tareekh mein pahli martabah koi wazir-e- azam atna bhari mended lay kar aqtaydar mein aya

Qarz Utaro Mulk Sanwaro Scheme

Iss matabah wazir-e-azam bantay hi Nawaz Sharif nay athwein tarmem ka khatma kar deya jis kay tayhat koi sadar hukumat ko khatam kar nay ka akhtayar rakhta tha. Mulki satah par unhon nay “Qarz utaro, mulk sanwaro” ki iskeem kay tayhat awam say paisay lay kar mulki qarzay utarnay ki mohim shuru ki jo agarchay kamyabi say hamkinar na hosaki lakin awami yaqjehti ka aik mazhar ban kar samnay aye. Nawaz Sharif dour mein bhi establishment kay sath Nawaz Sharif ki khan cha tani ka silsila jari raha pehlay chief justice supreme court Sajjad Ali Shah say Mian Nawaz Sharif kay akhtalafat huye jis mein unhain kafi kamyabi rahi, iskay baad fouj kay sar barah General Jahangir karamat ko unhon nay rukhsat keya. Inn kamyabiyon nay unkay ataymad ko barah deya aur unhon nay Pak fouj kay dosray sarbarah General Pervaiz Musharraf ko bhi chand ikhtilafat ki bina par bar taraf kar na chaha lakin iss martaba unhain kamyabi hasil na hosaki. General Pervaiz Musharraf ki sarbarahi mein unkay khaylaf fouji bagawat huie aur fouj ka kirdar qaumi sayasat mein kam kar nay ki yeh dyanat daranah koshish unkay leyeh afat ban gaie.

12 October 1999 ko Fouj ki taraf say Nawaz hukumat khatam honay kay bad Nawaz Sharif par moqadma chala jo “tayara shazish case” kay nam say mashoor huya. Iss mein agwa aur aqdam-e-qatal kay ilzamat shamil thay. Pervez Musharraf kay sath aik khufia mohaiday kay baad Nawaz Sharif Saudi Arab chlay gaye. Aik arsa tak Nawaz sharif Jaddah mein moqem rahay iss kay bad mulk mein jamhuryat ki bahali kay leye unhon nay Mohtarma Benazir Bhutto kay sath milkar koshishon ka agaz keyah aur meshaq jamhuryat ki shakal mein aik tarykhi dasta wyz samnay layeh.

Sharif Khandan Ki Wapsi

23 August 2007 ko adalat nay Sharif khandan ki darkhast par fayslah sunatay huay unki watan wapsi par hukumty aytayrazat rad kartay huyae puray khandan ko watan wapsi ki ayjazat daydi iss say pahlay Nawaz sharif ki watan wapsi ki aik koshish nakamy say hamkinar hochuki thie bahar hal iss martabah unhain apnay maqsad mein kamyabi hasil huie aur 25 November 2007 ko woh apnay khandan kay himrah Lahore pahonch gayae. Benazir bhutto ki shahadat kay bad honay walay 18 February 2008 kay intaykahbat mein Nawaz Sharif ki Muslim league nay bhar pur hissah leya aur Pakistan People party kay bad dusri jamat banker samnay aye. Nawaz Sharif nay un intaykahbat mein bazat e khud hissah nahi leya magar aik aham quait kay tour par seyasi manzer namay par moujud rahay. wukla tehreek kay daouran mazole Chief justice Iftekhar Muhammad Chaudhry ki bahali kay leye Nawaz Sharif nay bhar pur balkay kalidi kirdar ada keya iss kay alawa NRO jaisay badnam zamana qanun ko parliament say manzoor nahi karwanay kay silsilay mein bhi Mian Sahab ka kirdar sab say zayadah ahmeyat kay hamil raha.

Pakistani Siasat Aur Nawaz Sharif

Nawaz Sharif aik saisatdan hi nahein balkay iss say hat kar bhi aik saksiyat rakhtay hain. App ki raham dili aur darya dili apni aik shorat rakhti hai. khalon mein unhain cricket say lagaou hai. App khus-e-akhlaq bhi hain aur buchpan mein mashjid mein Naat Qiraat keya kartay thay. Iss waqt woh go mulk ki sarbarahi kay uhday par fayz nahin lakin agar ahmyat kay aitabar say daikha jaye to Nawaz Shareef ko Pakistani sayasat ki sab say aham saksiyat qarar deya jasakta hai. Mukhtalif mawaqay par honay walay sarway kay mutabiq who iss waqt Pakistan kay sab say baray maqbool leader hain. Mulk ki siasat kay haliya utar charaho aur unkay aqdamat ko daykha jaye to kaha jasakta hai kay inki maqbolyat anay walay aik taweel arsay tak barqarar rahay gi.

Benazir Bhutto

Benazir Bhutto Biography in Urdu

Benazir Bhutto was born in 21 June 1953. She was the first daughter of Zulfiqar Ali Bhutto. She was elected as the Prime Minister 2 times and became the first Muslim lady who was elected as the Prime Minister. Benazir Bhutto was assassinated on 27 December 2007 in Rawalpindi. Here you will find Benazir Bhutto biography in Urdu and Roman Urdu.

Shaheed Benazir Bhutto ko Pakistani siasat mein bohot say log inko mutanaza Shakhsiat samaghtay rahay aur kuch log to inhain “security risk” qarar datay rahay aur bohot say log aisay bhi hain jo inn ko Pakistan ki falah-o-baqa Benazir ki qayadat mein nazar arahi thein aur Pakistan kay charon subon ko Muttahid rakhnay wali zanzeer thien. Lakin ye aik haqiqat hai kay Pakistani balkay Islami Mulkon ki siasat mein jo naam aur muqaam Benazir Bhutu nay Hasil kia, woh kisi aur khatoon kay hisay mein nahi aya. Benazir Bhutto woh wahid khatoon hain jinhoon nay jadeed tarekh mein bazariya intakhabaat kisi Islami Mulk ki sarbarh-e-mumlikat honay ka azaaz hasil kia. Awam nay inpar do martaba aitamad kartay hoye inhain muntakhab kia.

Benazir Bhutto, Pakistan ki pehli Khatoon

Wazeer-e-Azam

Benazir Bhutto, Pakistan kay pehli muntakhab Wazeer-e-Azam Zulfiqar Ali Bhutto ki sab say bari bati thien, 21 June 1953 ko karachi mein paida hoye. Ibtadaye taleem inhoon nay Lady Jennings Nursery School aur Karachi kay Jesus and Mary Convent mein hasil ki. 10 saal ki umar mein Mari kay Jesus and Mary Convent mein bheg dia gaya aur iss kay char saal baad America ki Harvard University mein. 1973 mein Harvard University say graduation karnay kay baad inhoon nay Oxford University mein dakhla lia wahaan say philosophy, Economics, Politics mein graduation ki. Benazir Bhutto nay doraan-e-taleem Oxford Union kay intakhabaat mein hissa liya aur union ki president muntakhab hoyein. Apni Post graduate studies mukammal karnay kay baad 1977 mein watan wapas laut ayein.

Zia ul Haq Martial Law

5th July 1977 ko Zia ul Haq nay Pakistan mein Martial law lagadia jis ki waja say Zulfiqar Ali Butto ko takhtadar ka moun dakhna para aur Benazir Bhutto ko harasat mein lalia gaya. 1979 say 1984 tak ka arsa Benazir Bhutto nay mukhtalif jaloon mein qeaid-o-band ki sobatain jhaltay mukhtalif muqamaat per nazar band rehkar guzara. Iss doraan inhun nay 10 mah ki qeaid-e-tanhaye bhe kati. 1984 mein reha honay kay baad woh khud sakhta jila watni kay tehat 2 saal kay lia England chali gayein. August 1985 mein woh apnay bhi shanawaz Bhutto ki tadfeen kay lia watan lotein jissay France kay sahar canes mein zahar day kar halaq kardia gaya tha. Iss kay aik saal kay baad Martial law hatalia janay par Benazir Bhutto mustaqil tore par Pakistan agayein. 10 April 1986 ko inki wapsi per Lahore Airport par lakhon logo nay unka isstaqbal kiya wapsi kay baad unhoon nay poray Pakistan mein raliyaan munaqid ki aur Pakistan People’s Party ko aik baar phir zinda kardia. 18 December 1987 ko inn ki shadi Asif Ali Zardari say hoye. Shadi kay baad bhi Benazer, Benazir Bhutto kehlati rahein.

Benazir Bhutto Daur Hukumat

17 August 1988 General Zia ul Haq ki hadsati maut kay baad munaqid honay wali 1988 kay intekhabaat mein Pakistan People’s Party nay numaya kamyabi hasil ki aur 34 saal ki umar mein Benazir Bhutto Pakistan ki tareekh ki kam umar tareen Wazeer-e-Azam ban gayein.

2 December 1988 ko Benazir Bhutto Pakistan ki pehli khatoon Wazeer-e-Azam ka halaf uthaya. Unhon nay apnay pehlay dora-e-hukumat mein 1989 mein Islamabad mein munaqid honay wali shark sarbarah conference ki sadarat ki, PLO kay numainday ko safeer ka derja dia, America aur Britannia kay doray kia. Bharat kay saath siyachin tanazay per muzaqrat kiye aur Pakistan ko dosry martaba dolata-e- mushtarqa ka rukun banwanay mein kamyabi hasil ki. 1 November 1989 ko Benazir kay khelaf assembly mein tehreeq-e- adam atemad pesh ki gaye jo nakaam rahi lakin 6, August 1990 ko Sadar-e-Pakistan Ghulam Ishaq Khan nay 8 wein tarmeem kay tehat apnay ikhtayarat istamal mein latay howay assemblyan tordein aur Benazir Bhutto ko uhdah Wazarat-e-Uzma say mazol kardia. 3 September, 1990 ko Benazir Bhutto aur unkay 10 wazra kay khelaf references pesh kiye gaye aur in kay sohar Ali Zardari Per kaye muqadmat qayem kar kay inhein jail bhaj dia gaya.

1990 kay intekhabat mein IJI nay akasariyat hasil ki aur Nawaz Sharif Wazeer-e-Azam Pakistan banay. Benazir nay Parliament mein Opposition leader ka uhda sambhala. 18 March 1993 ko mulki halaat kay pesh nazar Nawaz Sharif nay apnay sathiyon samat wazarat-e-Uzma say istafa day dia aur Sadar Ghulam Ishaq Khan nay assembly tehleel kardi. October 1993 mein honay walay intaykhabat mein Benazir bhutto ki party nay aik dafa phir aksaryat hasil kar li aur Benazir bhutto dusri martaba Pakistan ki Wazir-e-Azam kay tour per samnay aiyeine.

Shaheed Benazir Bhutto kay pahlay dour-e- hukumat ki tarah un ka dosra daur-e-hukumat bhi saisi adam itmenan aur tanazat say bhar pur tha. Agar chay kai shobah jaat mein bhetari bhi nazar aie maslan America ki taraf say Pakistan ko blake list say kharij kar diya gaya, Pakistan aur Hong Kong kay darmiyan shoba-e-tawanaie mein duniya kay sab say baray mohaiday per dastkhat huye jis ki maliyat sarhay sath arab dollar the aur France ki taraf say atomi bigly ghar farham karnay ka wada kya gaya. Inn sab kay bawajud halat ki kashidgi barqarar rahi aur yeh kashedgi us waqt uroj per pahonch gaie jab Benazir kay chotay bhai Mir Murtaza Bhutto ko unki apni bahan kay ahde hukumat mein aik intahaye masqooq police maqblay mein sath sathiyon samat halaq kardia gaya. Murtaza Bhutto ki halaqat ko sarkari qatal qarar deya geya aur Asif Ali Zardari ko iska zemma dar tehraya gaya.

5 November 1996 mein Sadar Farooq Ahmed Leghari nay mukhtalif ilzamat kay tayhat Benazir Bhutto ko unkay uhday say mazol kar deya aur assemblyan tor dein. 1997 kay intikhabat mein people’s party hayrat angaiz tour per nakam rahi aur qaumi assembly mein sirf 18 nisahshtain hasil kar sakein. Benazir Bhutto per mukhtalif moqadmat qaym kar kay adalti karwai ki gae laykin issi dauran woh mulk say bahar chali gayein aur khud sakhtah jila watni ikhtyar kar li. Moqadmat chaltay rahay aur Asif Ali Zardari ko 8 sal say zaid arsay ki qeid bhugatni pari. Yeh baat qabile zikar hai kay iss dauran unpar Pakistani adalton mein koi ilzam sabit na ho saka.

Benazir Bhutto Aur “Meesaq-e- Jamhurait”

Nawaz sharif jab Pervez Musharraf ki “karwai” kay shikar hokar jila watan honay per majbor huye to iss tajurbay nay unhain aur Benazir bhutto ko bhi bahot kuch sochnay par majbur kar deya. Mulk mein ayenda jamhuriyat ko farog daynay kay leye unhon nay apas mein mulaqaton ka aik silsila shuru keya jo ARD kay qayam par muntahij huwa. ARD nay General Pervez Musharraf ki hukumat kay khelaf bhar pur mazahmat ka alan keya. Iss daur ki sab say aham paish raft iss waqt hui. Jab 14 May 2006 mein London mein Nawaz sharif aur Benazir kay darmayan “meesaq-e- jamhurait” par dastakhat huya Jis kay tayhat donon nay jamhuryat ko bahal karnay aur aik dosray kay khaylaf istaymal na honay ka faisla keya.

Dosri pesh qadmi iss waqt huie jab 28 July 2007 ko Abu Dhabi mein General Pervez Musharaf aur Benazir Bhutto kay darmeyan aik aham mulaqat huie jis kay baad people’s party ki chairperson taqriban sarah 8 saal ki jila watni khatam kar kay 18 October 2007 ko watan wapis ayein to unka Karachi Airport par faqedul misal istaqbal keya gaya. Benazir Bhutto ka karwan Shara-e-faisal par Mazar Quaid ki janib barh raha tha kay achanak zordar dhamakay huye. Inn dhamakon mein paunay do sau kay lag bhag afrad jan bahaq huye aur sankron zakhmi hoye. Qiamat e sughra kay iss manzar kay dauran Benazir Bhutto ko bahefazat Bilawal house paucha deya gaya people’s party ki chairperson jab apnay bachchon (Bilawal, Bakhtawar aur Asifa ) say milnay.

Dobarah.Dubai gayein to mulk kay andar General Parvez Musharraf nay 3 November ko emergency nafiz kar di. Yeh khabar suntay hi Benazir Dubai say wapis watan lout ayein. Emergency kay khatmay,TV channels say pabandi hatanay aur Supreme Court kay jujus ki bahali ka motalba kartay huye hukumat kay khaylaf tahrek chalanay ka alan keya. Us waqt tak mulk mein nigran hukumat ban chki thie aur mukhtalif parteyan intakhabat mein hissah lanay kay mamlay mein bati huye nazar arahi thein. Iss surat hal mein people’s party nay maidan khali na chornay ki hikmat amli kay tayhat tamam halqon mein umedwar kharay keye aur kaghzat-e-namzadgi jama karay. Agar chay ARD kay faislay kay tahat Nawaz Sharif nay bhi intekhabat mein hissah na lanay ka faisla keya tha lakin Benazir Bhutto nay unhain qayel keya kay herkaron ko khuli chott na de jaye aur halat khwa kaisay bhi hon, intekhabat mein hissah zarur leya jaye.

Benazir Bhutto Death

Intekhabat mein chalaie janay wali mohim kay dauran 27 December 2007 ko Benazir Bhutto Liaqat bagh Rawalpindi say aik jalsay amm say khitab kar kay bahar nikal rahi thein kay unki gari par fairing huie aur uskay sath hi aik falak sagaf dhamaka hua. Benazir Bhutto jo us waqt awam kay purjosh naron ka jawab daynay kay leye gari kay hawadan say bahar nikli khari thien, buri tarha zakhmi huien aur thori hi dair mein khaliq-e-haqiqi say jamilien. Shaheed Benazir Bhutto kay saisi carrier mein kamyabiyan aur na kamiyan khch iss tarah apas mein guthi huein hain kay unhain yeksar kamyab ya nakam qarar dayna taqreban na mumkin hai. Yeh albath aik haqiqat hai kay Pakistani saiasat mein un jaysi khatoon saiasatdan aj tak nahin aiyein aur na shayed ayinda aa sakay unkay walid ki tarah unki shakhsiyat bhi shahadat kay baad bhi Pakistan ki siasat o tareekh ko motasir kar rahi hai aur anay walay waqt mein bhi karti rahay gi.

Altaf Hussain

Biography of Altaf Hussain In Urdu

The founder and leader of MQM Altaf Hussain was born in 17, September 1953 a poor family in Karachi. His grand father Mualana Mufti Ramzan Hussain was the Mufti Aagra UP India. He is a great religious scholar. Altaf Hussain father was stationmaster in India. His father Nazeer Hussain After independence migrated to Pakistan and appointed as a clerk in a factory . Altaf Hussain father was death on 13 March 1967. His mother was expired on 5th December 1985. In this page you will read Altaf Hussain in Urdu and Roman Urdu

Pakistan mein awami saisat ko aik naya rukh aur naya cheyhrah danay walay Muttahida Qaumi Movement kay bani aur Quaid Janab Altaf Hussain 17 September 1953 ko Karachi mein aik ghareb gharanay mein paida huye. Unkay walid Nazeer Hussain aur walda Khursheed Begum dono ka taluq India kay sehar Aagrah kay mazhabi gharano say tha. Altaf Hussain kay dada Maulana Mufti Ramzan Hussain Aagrah UP kay Mufti aur Jaiyad Alam-a-deen thay. Unkay nana Haji Hafiz Reheem Bhux deeni aur adabi hawalay say sehar kay moaziz aur qabilay ahtaram hashti thay. Altaf Hussain kay walid India mein station master thay. 1947 Pakistan kay azadi kay baad hijrat kar kay Pakistan agaye aur Karachi mein aik factory mein clerk moqarar huye. Janab Altaf Hussain ki family pahlay Karachi mein Jahangir Road kay sarkari coater mein rahtay thay.

13 March 1967 ko Janab Altaf Hussain ke Walid Mohtaram Nazeer Hussain ka Inteqal huwa aur walida mohtarma ka intaqal 5 December 1985 ko huwa. 1970 ki dehaye mein Altaf Hussain ki family Faderal B Area Block- 8 mein Azizabad ke aik makan mein muntaqil hogaya. 120 gaz ka ghar na sirf Altaf Hussain ki rehayish gah balkay siasi sar garmiyoon ka markaz bhi hai. Is ghar ko Pakistan ki siasat mein aik aa’la makam hasil hai jisay hurf-e-aam mein 90 kay nam say duniya janti hai.

Altaf Hussain Education:

Altaf Hussain nay 1969 mein Government Boys Secondary School Jail road say Matric pass keya. 1970 mein app city college mein inter science kay talib ilm thay. General Yahya Khan ki hukumat nay lazmi fouji service ka aik mansubah national cadet service iskeem shuru kiya. Jis kay tehat har Matric pass noujawan ko aik saal tak lazmi tour par fouji khidmat anjam daina thein. Chunanchay Altaf Hussain bhi iss iskeem kay leye muntakhib huye. Ibtadai taur par tarbiat Karachi cantt say shuru ki phir Hyderabad cantt muntaqil ho gay iss dauran Mashriqi Pakistan mein jang chir gaie. Dauran jang hi national cadet service iskeem kay tamam cadetton ko 57 Baloch Regiment mein tabdel kar dia gaya phir inhein makran kay sahil par waqay bandargah sonmiani mein tarbiat di gaye. Ye tarbiyati course aik saal mein mokammal kar laynay kay baad app nay Intermediate ki sanad li. 1974 mein Janab Altaf Hussain Islamia college say BSc (pre medical group) ki digre hasil ki. jamia Karachi say B.Pharmacy kar nay kay baad M.Pharmacy mein dakhla leya lakin university chornay par majbur hogaye. Janab Altaf Hussain nay Karachi kay seven day hospital mein batour traine kam keya aur do Multinational Medicine Companies mein bhi molazmat ki.

APMSO:

App ki amli siasat ka agaz jamia Karachi ( Karachi University) say batour talib ilm hua. Altaf Hussain nay Mahajir tulba ko monazzam kar kay 11 June 1978 ko APMSO All Pakistan Mahajir Student Organization ki bunyad rakhi aur iss kay bani chair man banay. Ye tulba tanzem fouran iss qadar mqbul hogai kay dusri tulba jamaton ka nishana bannay lagi. Jo iss ki maqboiyat say ahsas-e-adam tahaf fuz ka shikar ho gai thein. Yon university campus mein aaye roz tashaddud ka silsilah shuro hogaya. Altaf Hussain ko pehli bar 14, August 1979 mein griftar kar leyah gaya aur woh nou (9) mah tak qaid mein rahay. Rahai kay baad app nay mahajir tulba tanzeemo ko puray Karachi mein motariq-o- monazam kar nay ka faisala kiya aur apnay iss faisla ko amli jama pehnanay kay leyeh Altaf Hussain nay rufqaiy kar kay sath mil kar gair mamuli mahnat say 20 -20 rupay chanda lay kar tanzeem kay tarufi ketabche shuru keye. Karachi kay tamam ilaqon Korangi, Golimar, Maler, New Karachi, FB area, Nazimabad gizri kay tamam Karachi mein MQM ka tuti bolnay laga. Yon ye tanzeem baad mein bani lakin iss ko shorat pahalay mili.

Mahajir Qaumi Movement:

18 March 1984 ko MQM yani Mahajir Qaumi Movement kay qayam ka ailan hua. 1984 mein iss kay tashkeeli dour mein Karachi mein lasani fsadat ka aagaz hua to MQM aik bari siasi jamat ki haisiat say samnay aie in fasadat nay Altaf Hussain ki shohrat aur badnami donon mein azafa kiya. Karachi kay fasadat kay dauran hi Altaf Hussain nay Sindh kay dusray shahron kay , jahan mahajir bakasrat abad thay wasi dauray kiye aur MQM kay leye akhlaqi hamaiat hasil ki. Iss ka natijah ye hua kay Karachi samait Sindh kay tamam Sehron mein MQM Hindustan say anay walay Mahajren ki sab say bari siasi jamat ban gai . youn iss daur say aj tak honay walay tamam intakhabat mein Karachi samait Sindh kay dusray ilaqon mein mahajir abadi walay ilaqon mein MQM hi kay umedwar kamyab hotay hain.

Sindh mein barhtay huay tashddud kay waqayat mein Fouji operation ka agaz 19, June 1992 ko hua. MQM apni suhrat ki wajah say iss operation ka khasusi nishana bani. Iss daur mein MQM pur tashdud amaze siasat mein hissa lanay aur torture sell chalanay kay ilzamat lagaye gaye. Altaf Hussain aur un kay sathiyon par qatal aur dosray jaraim kay hawalay say moqadmat qaim keye gaye. Iss daur mein Altaf Hussain aur unkay sathiyon kay darmian akhtalafat nay janam leya aur yuon alehdah Afaq Ahmed, Amir Khan, Bader Iqbal, Mansoor Chacha nay alag hokar apni jamat MQM Haqiqi ki buniad rakhi. Amir Khan kuch arsa pehlay Janab Altaf Hussain aur unki jamaat Muttahida Qaumi Movement say apni ghalti ki maafi mang kar Muttahida mein shamil hogaye hain.

Muttahida Qaumi Movement:

Altaf Hussain nay baqi sathiyon kay mashwaray say 26 July 1997 ko MQM ka naam Mahajir Qaumi Movement say tabdil kar kay Muttahidah Qaumi Movement rakha gaya. Jis mein sirf mahajir saiasat say hat kar tamam mazloom tabqoon ko aik hi plate form par jama karnay ki baat ki gaie. Qaumo kay mustaqbil ki tameer hukumrano kay haton mein nahi balkay quaideen kay fikar aur amal par hoti hai aur Altaf Hussain ka mison Pakistan kay mazloom quaim ki tameer ka mission hai.

Altaf Hussain Aur Pakistani Siasat:

Ye aik haqiqat hai kay Muttahida Qaumi Movement kay Quaid Janab Altaf Hussain nay Pakistani aqwam kay darmiyan faroye aur taa’sobi ikhtalafat ko khtam karnay ki har mumkin koshishein kein iss mein woh kafi had tak kamyab bhi hoye. Janab Altaf Hussain nay apni siasi basirat Pakistani siasi mumlat par qabo hasil karlia hai. 2002 kay intakhabat kay baad Altaf Hussain ki party Muslim league (Q) kay sath itahad keya aur hukumat mein shamil hui. youn unkay bohot say jila watan rahnuma wapis ayae Sindh kay Governor ka uhda bhi unki party MQM ko mila. Parvez Musharraf kay hamayaton mein iss jamat ka shumar hota raha aur aaj tak Altaf Hussain aur unki jamat Parvez Musharraf kay leye narm gosha rakhtay hain. 2008 kay intakhabat (Election) mein apni dairina mokhalif Pakistan Peoples Party kay sath unka itahad hua. youn Altaf Zardari bhai bahi ka nara samnay aya . Altaf Hussain aaj bhi London mein moqeem hain aur wahan party ke international secretariat se party ke muamalat chala rahay hain. Janab Altaf Hussain Pakistani siasat ki aik mottanaza shakhsiyat hain. Jin kay chahnay waly aur mokhalfeen donon ki tadad lakhon mein hain. Altaf Hussain par bohot say ilazmat lagaye gai hain. Unhain dahshatgard aur qatil tak kaha gaya hai. Tamam hukumaton ki taraf say unhain aik mujrim sabit karnay ki koshish ki gaie hai. Naserullah Babar Imran Khan aur Zulfikhar Mirza jaisay logon nay Britannia jakar bhi unkay khalaf qanuni karwai kar nay ka alan kia lakin iss sab kay bawajud woh apni jagah par qaim aur mustehkam hain. Altaf Hussain ki maqbuliat mein har guzartay din kay sath azafa hi hua koi kami nahi aie aur na unkay mokhalif apnay tamam tar dawon kay bawajud unhain hilanay mein nakam rahay. Muttehida Qaumi Movement kay quaid Altaf Hussain bohot si khubiyon kay malik honay kay sath sath kuch halqoon mein muttanaza siasi shakhsiyat kay taur par bhi pehchanay jatay hain. Altaf Hussain Pakistan say bahar honay kay bawajod Pakistani siasat mein aik aham markaz ki haisiat rakhtay hain aur unki taqarer aur bayanat hamashah am-o-khas ki tawajjah hasil kartay rahay hain.

NRO:

Pakistan mein NRO kay silsilay mein jo shuro galga utha woh isi waqt thamnay mein aya jab Janab Altaf Hussain nay NRO ki mokhalfat kartay huye Sadar-e-Pakistan Janab Asif Ali Zardari ko mashwarah dia kay woh doston ki baat manain aur agar Pakistan mein istehkam lanay kay silsilay mein unhain koi qurbani bhi daina paray to woh us say draig na karain. Altaf Hussain ki taraf say do tok alfaz samnay anay par aik dam sab kuch thanda par gaya aur Wazeer-e-Azam ki taraf say NRO ko manzuri kay leye parliament mein pass na kar nay ka alan kar dia gaya. Altaf Hussain ka ye musbat faisla jahan unki sakhsiyat ko mazeed mustehkam kar nay ka bais bana wahein iss say ye bhi zahir hua kay Pakistan mein na rehnay kay bawajud unki baton mein katna wazan aur ahmiyat rakhti hai.

Zulfiqar Ali Bhutto

Shaheed Zulfiqar Ali Bhutto Biography in Urdu

Zulfiqar Ali Bhutto was the first Pakistan elected Prime Minister. He was born 5th January 1927 at Larkana, Sindh. Zulfiqar Ali Bhutto was Pakistan’s leading politicians and the movement was one of the main guidance and in subcontinent Pak and Hind. he was considered as a central of politics. Zulfiqar Ali Bhutto early education at Cathedral High School from Bombay and pass out his Cambridge examination on 1946 December. Zulifiqar Ali Bhutto was the great leader of Pakistan. In this page you will read Shaheed Zufiqar Ali Bhutto biography in Urdu                                                                                                                                                                                                                                                                                                                                     

Zulfiqar Ali Bhutto Pakistan kay pehlay muntakhab Wazir-e-Azam aur siasat ko drawing room say nikal kar awam mein lanay walay pehlay Pakistani rahnuma 5 January 1927 ko Sir Shahnawaz Bhutto kay han Al Murtaza Larkana Sindh mein paida huye. Sir Shahnawaz Bhutto namwar siasatdan aur tehreek-e-Pakistan kay markazi rehnumaon mein say aik thay aur Bar-e-Saghir Pak o Hind mein Sindh aur Bombay ki saisat kay markazi satoon manay jatay thay.

Bhutto khandan Sindh anay say qabal zila Hisar kay aham qasba Sarsa kay aik gaon Mozu Bhutto mein abad tha aur isi monasbat say usey Bhutto kaha jata hai. Yeh gaon ab bhi sarsawati kay kinaray abad hai. Sarsa aik aham railway station bhi tha. Sikhon kay zamanay mein jab dariya saraswati khushk ho gia aur iss ilaqay ki faslain tabah o barbad ho gain, Log qahat ka shikar ho gaye to iss khandan kay afrad Sindh ki taraaf hijrat kerkay Larkana mein moqeem ho gaye.

Zulfiqar Ali Bhutto ki shakhsiyat atni bhar pur aur hangama khaiz hai aur Pakistani tareekh per app nay itnay gehray asrat morattab keyeh kay inka ahatah karna kai jildon ka matqazi hay. Iss mokhtasar say mazmoon mein mahaz cheda cheda batain hi baian ki gasakti hain hain. App kay walid Sir Shahnawaz Bhutto nay app ki taleem-o-tarbiat per khususi tawajah di. Zulfiqar Ali Bhutto nay Bishop High School Karachi sa ibtadai taleem hasil ki aur Cathedral High School Bombay say December 1946 mein Senior Cambridge ka imtahan pass kia September 1947 mein unhain America mein Los Angles ki junubi California University mein dakil karwadia gaya 1950 mein unho nay siasiat mein BA owners kiya. Iss kay bad unhon nay Christ Church College Oxford University mein dakhla lia jahan say 1952 mein unhon ney MA owners ki dirge hasil ki.

Zulfiqar Ali Bhutto bohot achchay moqarir thay cricket bhi khaltay thay aur tulba ki siasat mein bhi hissa latay thay. Garz har laihaz say aik mumtaz talib ilm thay. Taleem say farig hokar woh 1953 mein Pakistan lautay aur amli zindagi ka aaghaz kia. Woh Sindh Muslim Law College mein juz waqti professor rahay aur wakalat bhi ki lakin unhain na wakalat pasand thi na profferi . Zulfiqar Ali Bhutto dar asal amli siasat mein hissah lanay kay khahan thay. 8 October 1958 ko mulk mein Martial Law laga to General Ayub Khan ko apni Martial Law Cabnate kay leye qabil-e-atemad aur ahal kar wazra darkar thay Jo puranay siasat danon mein say na hon. Chunanchay unhon nay Iskander Mirza ki shafarish per Zulfiqar Ali Bhutu ko apni cabina mein shamil kar lia aur Commerce Ministry un kay hissay mein aie agarchay bunyadi taur per woh kharja amoor mein dilchaspi rakhtay thay October 1959 mein unhain U.N.O mein Pakistani wafad ka quaid bana ker bhaja gai to Zulfiqar Ali Bhutto nay Russia aur America ki taraf say takhfife aslaha ki tajaweez kay silsilay mein Pakistani moqif bohot khubsurti say pesh kiya.

Jnauary 1960 mein un kay mehakamy badal deye gaie aur woh itlaat aur qoumi tameer nou kay wazir bana deye gai. Baad azan indhan qudrati wasail aur bijli kay mehakamay bhi unhain hi sonp deye gai. Iss daur mein woh Ayub Khan kay motamid tarin sathi samjhay jatay thay. 1962 kay dastoor ko akhri shakal denay mein woh manzoor qadir kay dast rast thay. 1963 mein Sadar General Ayub Khan nay unhain Hilal Pakistan ka tamga dia jo Pakistan ka sab say bara civil award hay.

Zulfiqar Ali Bhutto ki khahis thi kay unhain wazir kharja moqarrar kiya jaye chunanchay January 1963 mein unhain wizarat kharja daydi gai. Wazir-e- kharja ki hasiat say unhon nay Communist block kay sath khus gawar taluq kay qaim aur Chine kay sath dosti qaim kernay ki taraf peshraft ki.1965 ki jang kay bad jab January 1966 mein Ayub Khan nay Allan-e-Tasqand per dastakhat ker deye to Bhutto nay apnay uhday say istafa day dea aur larkana chalay gaye lakin Ayug Khan kay lia Allan-e-Tasqand kay baray mein akalay jawab dahi bohot mushkil thi. Iss leye waqti tour per Bhutto ko mana lea gia aur qoumi assembly mein unsay Allan-e-Tasqand ki hamayat bhi kerwai gai tahum June 1966 mein achanak unka istafa manzoor ker kay unhain farig ker dia gai. Bila shuba iss waqt Bhuto kay istafay say pori qaum ko sadma hua aur na sirf Ayub Khan ki amriyat bai naqab hui balkay awam kay jazbat Ayub Khan kay sakht khelaf aur Bhutto ko mazloom qarar day ker un kay haq mein ho gaye chunanchay jab Bhutto Larkana jatay huye Lahore Railway Station say guzray to un kay maddahon naray ki aik kasir tadad station per moujood thi. Halat ka baghor jaiza lanay kay bad 30 November 1967 ko Lahore mein unhon nay Pakistan People’s party kay qiyam ka allan ker deya.

Mr. Bhutto socialist na thay. Woh aik jagirdar kay ghar mein paida huye thay magar unki walda ka taluq jagirdar khandan say na tha jis ki wajah say un kay susral walay un say achcha salook na kertay thay. Jagirdarana pas manzar kay bawjood apni maa kay sath honay walay bartao kay natijay mein woh garibon aur pisay hua awam kay sath husn-e-salok ka jazba rakh tay thay. Iss tarah Bhutto kay mijaz ki tashkil mein unkay jagidana mijaz kay sath sath garib perwari ka jazba bhi tha. Aala taleem nay unhain “liberal” bana dia tha. Magrabi mofkain kay motala nay unhain magrabi andaz siasat sikhaya. Woh awam ki nafsiat say agah thay aur un kay jazbat ko ubharna khub jantay tahy. Iss kay sath sath unhon nay Socialism ka bagor motala kia tha iss tarah woh ikhtaiarat ko markazi shakhsiyat ya markazi adaron kay pass jama kernay ka rojhan bhi rakhtay thay. un tamaam awamil nay Zulfiqar Ali Bhutto kay siasi sonch kay khadokhal tashkil deye tha. Bhutto kay zehan mein apni siasi jaddo jahad kay khatoot bilkul wazah tha.

People’s party nay sah ranga jhanda apnaia jis mein sabz rang (Green clour) Islam ki numaindagi kerta tha. Sia (Black Clour) rang zulum kay khalaf ihtajaj ki alamat tha aur surkh rang (Red colour) inqalabi rujhanat ki. Party ki tanzem China ki Communist party ki tarz per ki gayi thi. Chairman Janab Zulfiqar Ali Bhutto ko wasi ikhtaiarat hasil tha. Party mein har tarah kay log shamil thay jin kay darmiyan qadare mushtarik ye thi kay awam kay mashi masail ko hal kia jaye. Bhutto ki tehreek noujawanon mein maqbool thi, zor dar thi aur kuch bahot zaidah “pur aman” na thi. Iss leye jald hi iska wazan mehsoos kia gaya aur Ayub Khan ney 13 November 1968 ko Bhutto ko geraftaar ker kay jail bhejwa dia tahum PDM kay zair qiadat tehreek zore pakarti gayi aur bila aakhir Ayub Khan ko jhukna para. Ayub Khan nay hangami halat kay khatmay ka ilan ker dia. Siasi qaidiyon ko jin mein Bhutto Sahib bhi shamil thay reha ker dia gaya aur mulk mein azser nou Martial Law laga dia gia.

Ahsan Khan

Ahsan Khan Interview 2013

Ahsan Khan was born on 9th October 1981 in London,United Kingdom. He is 32 years old. Ahsan is a Pakistani film and television actor; he is also a host and performer. Ahsan Khan received his Master degree in English literature from the Government college University Lahore. He married with Fatima Khan and he has two childrens, one sweet daughter Sukaina Khan and one cute son Akbar Khan. Ahsan Khan worked in the Lollywood film industry. He started his career from the film “Nikkah” in 1998. He worked in these films, “Ishq Khuda” and “Saltanat”. Ahsan Khan is very talented and very good-looking artist. He is a Super Star of Television. Ahsan Khan is very sincere and simple Personality. He looks like very innocent person. Ahsan Khan sung a title song of the drama serial “ Khoya Khoya Chand ” in 2013 from the channel Hum TV. In this page, you can see the information and interview about Ahsan Khan

Aik zamana tha ke film aur television ke actors ki alehda alehda catagories bani hui thi. Filmy actors Television ka rukh nahi karte the. Jab ke Tv actors ko films mein mushkil se he jagah milti thi. Bohat kam aise actors hain jinho ne dono jagah kamiyabi hasil ki. Inhi mein aik naam Ahsan Khan ka bhi hai. Jinho ne film se apne career ka aaghaz kia aur in dino Tv ka hot star samjha jata hai. Guzishta do teen salon mein in ke kuch serials be had maqbool aur kamiyab hue hain. Haal he mein Ahsan Khan se aik ittefaqiya mulaqat mein kuch batein hui, jin ka aehwal pesh e khidmat hai.

Question : Aap ne film aur television dono jagah he kaam kiya hai, yeh batae ke kya aik jagah ka tajurba dosri jagah kaam aata hai ?

Ahsan Khan : Yun to dono he aik jaisi field hain aur kaam bhi aik he jaisa hota hai, magar peshkash ka andaaz mukhtalif hai. In ki audience bhi alag hai. Isi liye humen aik he role ko dono jagah mukhtalif andaz se karna hota hai. Maslan agar shokh o chanchal hero ka role hai to film ka hero naach gaa kar aur uchal kood kar shokhi ka izhaar karega. Jab ke Tv par use sirf apne jumlon aur harkaat o saknat se shokh o chanchal nazar aana hoga. Film mein kaam karte hue hum pori tarha azaad hote hain aur khul kar apne jazbaat ka izhar karte hain. Magar Tv par humen hudood mein rehna hota hai aur bilkul is tarha react karte hain, jaise hum apne ghar mein hain. Film mein ba awaaz e buland jumley bolte hain, jab ke Tv par Dheema andaaz hota hai. Is liye acting karte waqt dono jagah alag alag andaz ko follow karna parhta hai. Chon ke in dono fields ka mizaaj mukhtalif hai.

Question : Ab film industry bhi dobara apne peyron par khari nazar aa rahi hai aur aap ne bhi films mein kaam karna shuru kar diya hai, agar mazeed films ki offer hui to kya Tv ko chor kar films ko ziyada waqt denge ya dono ko sath le kar challenge ?

Ahsan Khan : Main ne ab Tvko mustaqil taur par apna lia hai, yahan jitney ache roles kar raha hon, wo meri zehni taskeen ke liye kafi hain. Phir muaawza bhi thek thak milta hai. Is se zindagi ki garhi achi chal rahi hai. Yahan bohat mutmaiyn hon. Jahan tak films ka sawal hai to abhi is industry ko pori tarha bahaal hone mein kafi waqt lagega. Meri dua hai ke hamari films pehle ki tarha nazreen ke dilon mein apna maqam bana len. Agar films mein ache roles ki offer hui to waqtan fawaqtan in mein kaam karta rahonga. Lekin Tv ko mukammal taur par chor kar films mein jane ka koi iradah nahi.

Question : Aap ko hamesha serious aur positive roles mein dekha gaya hai, kya tabdeeli ko dil nahi chahta ?

Ahsan Khan : Main ne kae serials mein negative roles bhi play kiye hain aur in ka acha response mila. Is liye chahta hon ke waqfey waqfey se negative roles bhi milte rahen. Is tarha mujhe kaam karne mein maza aaega aur logon ko bhi nea pan ka aehsaas hoga.

Question : Aap ne Waheed Murad ki film Dil Mera Dharkan Teri ke remake mein Waheed Murad ka role play kiya, is barey mein ya kahenge ?

Ahsan Khan : Mere liye yeh bohat barha aezaaz tha ke film industry ke be misaal aur ba kamala hero ka role karon. Is role ko karte hue khushi ho rahi thi aur khauf bhi mehsoos ho raha tha. Hamari industry mein aaj tak un jaisa hero nahi aaya aur koi bhi artist un ki jagah nahi le saka. Bas mujhe yehi darr tha ke kya main is role ko kar paonga. Un jaisa to karna mushkil tha, magar main ne un ke andaaz ko follow karne ki koshish ki. Wo sada bahar naghme jo aaj bhi kaano mein rus gholte hain, unhe khud par picturize karwana bohat acha laga. Mere liye wo yadgaar lamhaat the aur us film ko kabhi nahi bhula sakta.

Question : Aaiynda kaun si film kar rahe hain ?

Ahsan Khan : Filhal to Bollywood ki aik film ke liye baat chal rahi hai, us ka subject bohat acha hai aur yeh Deepti Navil ki film hai.

Question : Bollywood ki films karne ke liye to aap ko Tv se break lena parhega ?

Ahsan Khan : Thora sa waqfa zaroor aaega, lekin is ki wajah se Tv ko mukammal taur par nahi choronga. Kyun key eh meri pehli tarjeeh hai. Dosre kaam sath sath chalet rahenge.

Question : Bollywood ki films kafi bold hoti hai aur sensor bhi in se narmi baratta hai, aap ne is barey mein socha hai ?

Ahsan Khan : Koi bhi film sign karne se pehle tamam pehloun ka jaiyza longa, sirf aik film ke liye barson ka image to kharab nahi kar sakta.

Question : Aap ne apne aap ko sirf acting ke liye waqf kar rakha hai ya hosting bhi karte hain ?

Ahsan Khan : Ji han, main ne Geo, ARY aur Hum Tv ke mukhtalif programs ki hosting ki hai.

Question : Aap ne haal he mein aik title song gaya hai, kya pehle se ganey ka shauq tha ya aaj kal jo actresses mein gane ka daur chal parha hai, use dekh kar aap bhi meydan mein kood parhe ?

Ahsan Khan : Mujhe bhi gane ka shauq tha, magar sirf gungunane ki had tak. Kabhi is ke barey mein sanjeedgi se nahi socha. Albatta doston ki mehfilon mein gaya karta tha. Phir un logon ne he mashwara diya ke is shauq ko aage barhao, tab achanak he mujhe aik serial ke title song ki offer hui. Main chahta tha ke apni awaaz ko mutarif karwaon, lehaza yeh mauqa acha laga. Aap ise job hi samajh len.

Question : Singing ka tajurba kaisa raha ?

Ahsan Khan : Mere liye to bohat acha raha. Agar dosron ko yeh koshish pasand aai ho gi to aaiynda bhi apna shauq pora karonga. Waise team ke logon ne to bohat tareef ki hai, jis se mera hausla barha.

Question : Kuch yaad hai ke pehli film kab ki thi ?

Ahsan Khan : Ji han, yeh koi itni purani baat nahi. 1998 mein film Nikkah se apne career ka aaghaz kiya tha.

Question : Television par ab tak kitne serial kar chuke hai aur in mein se kise yadgaar samajhte hain ?

Ahsan Khan : Mera khayal hai ke 40, 50 serials to kiye honge. In mein Shala Coat, Saiyqa, Mere Qatil Mere Dildar, Na Kaho Tum Mere Ho, Parsa, Dastaan, Pani Pe Likha, Bilqius Kor, Mirat ul Uroos aur Mujhe Khuda pe Yaqeen hai, mere yaadgar serial hain.

Question : Dosti ke qaiyl hain, sab se acha dost kaun hai ?

Ahsan Khan : Ji han, main doston ko apni zindagi ka aeham hissa samjhta hon. Waise to sab se ache talluqaat hain. Lekin bhai aur biwi mere qareebi dost hain.

Question : Kya biwi se aesi dosti hai ke aap un se sab kuch share kar saken ?

Ahsan Khan : Yeh bohat zarori hai ke agar biwi ko apna dost samajh kar us se har achi buri baat share ki jaey, to aitemad barhega aur wo bhi apne aap ko aeham samjhegi. Agar use kisi third person se koi baat maloom hui to use is liye aehmiyat nahi degi kyun ke wo pehle se is ke barey mein janti hai. Hamari field bhi aesi hai ke yahan choti choti baat ka batangarh ban jata hai. Lehaza hum biwi ko apna dost aur raazdar banae rakhen to sab se ziyada faiyda hum he ko ho ga aur ghar ka mahaul bhi pur sukoon rahega.

 

Abdul Sattar Edhi

Abdul Sattar Edhi Biography In Urdu,Hindi

 

Abdul Sattar Edhi was born on 1928 in a city Buntawa State of Gujarat British India. Sattar Edhi father was cloth merchant and belong to middle class family. In human service department, Pakistan and world known personality Abdul Satttar Edhi is a President of Edhi Foundation. It branches are spread all over the world. His wife Mrs. Bilques Edhi ia a founder of “Bilques Edhi Foundation” in 1986. They achieved “Ramon Magsaysay Award” in Human Service Department. Abdul Sattar Edhi serves for others before his self, which became key to success of his life. In this page you will read Abdul Sattar Edhi Biography in Urdu, Roman Urdu and Hindi.

Abdul Sattar Edhi 1928 mein Bharat ki riyasat Gujrat kay shehar Bantawa mein paida huye. Khidmat-e-khalq kay shube mein Pakistan aur duniya ki jani mani shakhsiyat Abdul Sattar Edhi al maroof moulana Edhi Pakistan mein Edhi Foundation kay sadar hain. Edhi Foundation ki shakhein tamam duniya mein pheli hoye hai. In ki wife mohtarma Bilquis Edhi Foundation ki sarbarah hain. Dono ko 1986 mein awami khidmat kay shube mein saman maksa award say nawaza gaya.

Abdul Sattar Edhi ka walid kapray kay tajir thay aur motawasit tabqon say taluq rakhtay thay. App paidaishi leder thay aur shuro say hi apnay doston ki chote chote kamo aur khel tamashe karne per hosla afzai karte thay. Jab in kay walida inhein school jate waqt do pese dete to woh in mein say aik paisa kharch karlate the aur aik paisa kisi zarurat mand ki zarurat puri karne kay liye de detay. 11 saal ki umar mein inhone apni maa ko dekh bhal ka kaam sambhala jo shadeed qisim kay ziya diabetes mein mubtala thein. Choti umar mein hi inhon nay apnay say phelay dusron ki madad karna sikh liya tha, jo agay ki zindagi kay liye kamyabi ki kunji ban gaya.

1947 mein Taqseem-e-Hind kay baad in ka khandan Bharat say hijrat kar kay Pakistan aya aur karachi mein abad huwa. 1951 mein app nay apni jama poungi say aik choti si dokan khareedi aur issi dokan mein app nay aik doctor ki madad say choti si dispensary khuli jinhone in ko tibi imdad ki mubadiyat sikhaye. Iss kay alawa app nay yeaha apne dosto ko tadrees ki taraf bhi ragab kiya. App nay sada tarz-e-zindagi apnaya aur dispensary kay samne bench per hi so late ta kay bawaqt zarurat fouri tour per madad ko pohunch sake 

Edhi Foundation Pakistan

1957 mein Karachi mein bohot bare pemane per flow ki wabah phali jis per Edhi sahab nay fouri tour per rade ammal kiya. inhone nay shehar kay nowah mein khemey lagwaye aur muft madafati adwaiyat farham kein. Mukhiyair hazrat nay in ki dil khul kar madad ki aur in kay kamo ko dekhte huwe baqi Pakistan nay bhi imdadadi raqam say inhone woh puri imarat kharedli jaha dispensary thein aur waha aik zachgi kay liye center aur nurseon ki tarbiyat kay liye school khula aur ye hi Edhi Foundation ka aghaz tha. Anay wale salao mein Edhi Foundation Pakistan kay baqi elaqo tak bhi phelti gai flu ki waba kay baad aik karobari shaksiyat nay Edhi ko kafi bari raqam ki imdad di jis say inhone aik ambulance khareedi jis ko woh khud chalate thay. Ajj Edhi foundation kay pass 600 say zada ambulance hain jo mulk kay tool o arz mein pheli hoi hain.

Karachi aur undorene Sindh kay liye woh khud rawana hote hain aur Edhi foundation ki hadsat per rade ammal ki raftar aur khidmat municipal ki khidmaat ziada taiz behtar hain. Hospital aur ambulance khidmaat kay alawa Edhi foundation nay clinic zachgi ghar pagal khana mazoro kay liye ghar blood bank yateem khane lawaris bacho ko goud lene kay marakaz panha hain aur school khule hai is kay elawa ye foundation nursing aur ghardari kay cource bhi karwati hain… Edhi marakazi aik khasiyat ye bhi hai kay Edhi marakz kay bahir bacha gari ka ahtemam hai ta kay khawateen bache ki dekh bhal nahi kar sakti apne bache ko yeaha chor kar ja sake is bache ko Edhi foundation apne yateem khane mein panha deti hai aur isko muft taleem di jati hai.

Edhi International Ambulance ka qiyam

Foundation nay sirf Pakistan mein hi nahi bal kay bain ul aqwami satah per bhi turraki ki hai. Islami duniya mein Edhi foundation har musibat aur mushkil waqt mein aham imadad farham karti hai. Jahaan imada aur nigrani Edhi bazat khud mutasira mumalik mein jakar kartay hain. Pakistan kay elawa foundation jin mumalik mein kam kar rahi hai in mein say chand naam Afghanistan,Iraq, Chechnya, Bosnia, Sudan, Ethiopia aur qudrati afaat sonami say mutasira mumalik kay hain.16 August 2006 ko Bilquis Edhi aur kubra Edhi ki janib say Edhi international ambulance kay qayam kiya gaya jis kay tehat duniya kay ameer gareeb ho ya diniya ka koi bhi mulk America,Uk, Israel, Shaam, Iran Bharat, Bangladesh hon, mein ye ambulance batour atiya di jarahi hain aur inhein hidiyat ki gaye hai kay woh ye ambulances ko 5 saal tak istemal karne kay baad frokht kar kay iss ki raqam kherati kaamo mein istemal karein.

Begum Bilquis Edhi aur Kubra Edhi nay is mouqe per kaha kay woh duniya ka ameer ya ghareeb mulk ho wahaan mareez mareez hi hota hai. ambulance ka maqsad insano ki jane bachana hota hai aur humay iss baat ki khushi ho gi kay Edhi International Ambulance Foundation ki ambulances duniya bhar mein insano ki janein bachayein khwa woh London, New York , Tokyo, Tilabib, Beirut aur Damishq hoon. inhon nay kaha kay insaniyat ki ban ul aqwami khidmat kay hawale say hamara aik qadam aur age bhar raha hai. Ajj Pakistan kay alawa Islami duniya mein bhi Edhi nay aik ghar khudgharz aur muhtarma shaks kay tour sherat pai hai shurat aur izat kay bawud inhone apni sada zindagi ko tarak nahi kiya woh sada rawati Pakistani libas pehante hain jo sirf aik ya do din in ki mumlikat hai iske alawa in ki malkiyat khele joto ka aik jora hai jis ko woh sabqa 20 sal say istemal kar rahe hain Aur ye bhi haqiqat hai kay Edhi foundation ka begat aik caror ka hai jis mein say woh apni zat per aik paisa bhi kharch nahi karte.

Edhi Foundation Ambulance Service

App kay beta Faisal batate hai jab Afghanistan mein markaz ka iftetah kiya ja raha tha to amla mehmano aur sahafiuo kay bethne kay liye kursiya kharedli jab Edhi wahan aye to woh is baat say sakht khafa huwe khun kay in kay khayal mein ye raqam kisi zarurat mand ki madad per kharch ki ja sakti thi. Iss raat clinic kay farash per ambulance kay drivers kay sath soye. Ajj Edhi foundation taraqi ki rah per gamazan hai. Edhi mustaqbil ki taraf dekhte huwe kahte hain, woh Pakistan kay har alaqay mein per hospital tameer karna chahte hain. Agar cheh in ko ahteram kay tour per moulana ka laqab diya gaya hai lakin woh zati tour per is ko pasand nahi kartay. Inhone kabhi kisi mazhabi school mein taleem hasil nahi ki. Woh apne app ko doctor kehalwana pasand kartay hain. khun kay insaniyat ki khidmaat per Pakistan mein Institute of Business Administration say doctorate ki azarai digri di gai hai.

Genis Book of world Record

Woh iss baat ko bhi sakht napasand karte hain jab log in ki ya in kay kam ki taref kartey hain. Woh hukumat ya sabqa mazhabi jamaton say imdad bhi nahi latay khun kay woh samjhte hain kay in ki imdad mashrot hoti hai. General zia ul huq aur atalvi hukumat ki imdad inhone issi khayal say wapas kardi thi. 1996 mein in ki khudnost sawane hayat “khuli kitab” shaya hoi 1997 ki Genis Book of world Record kay mutabiq Edhi foundation ki ambulance service duniya ki sub say bari falahi ambulance service hai. Edhi bazat khud bagair choti kiye taweel tareen arse tak kam karne kay alami record kay hamil hain aur record bane kay baad bhi abhi tak inhone nay chutti nahi li.

1988 mein inhe lenun aman inam mila. 1992 mein Pal Hires Rotary International foundation ka felo banaya gaya 2000 mein insaniyat, aman aur bhai charay ka International Balzan Prize mila aur 2005 mein almi Meman tanzeem ki taraf say life time achievement ka azaz diya gaya.

Pakistan Ki Kahani

                                       Pakistan Ki Kahani in Urdu,Hindi

 

Pakistan is the Muslim country. Pakistan, a Muslim country for the word first used in 1933 by Chaudhry Rehmat Ali. At this time, he was student of Cambridge University. Independence of Pakistan and India was appointed 15 August 1947. But virtually independence Pakistan got a 1august 1947 afternoon. Because Wasaray Moutan Baiton want to go New Dehli Tradition Independence day. 14 August 1947, 11 at night right last time in history, our Broadcast by Radio Lahore announced the “This is All India Radio”. After 12 O’clock announcement was “this is Radio Pakistan.” Quaid-e-Azam Mohammad Ali Jinnah was the founder of Pakistan. He was struggle for Pakistan and achieves Pakistan. In this page, you will read about the history (kahani)of Pakistan in Roman Urdu.

 

Pakistan ka lafz aik alehda Muslim watan ke liye sab se pehley Choudhry Rehmat Ali ne 1933 mein istemal kiya. Us waqt Chaudhry Rehmat Ali Cambridge University ke aik tallib ilm thay. Chaudhry Rehmat Ali ne 28 January 1933 ko “Ab Ya Kabhi Nahi”(Now Or Never) ke naam se aik ketabcha shaya kiya jis mein na sirf aik alehda Muslim Watan ke qayam ki tajweej pesh ki gaye balkey majuza Muslim watan ko Pakiktan ke naam se mousom kiya gaya.

Chaudhry Rehmat Ali nay apni tajweej mein Punjab sey “P” suba Sarhad key Afghanon sey “A” Kashmir sey “K” Sindh sey “S” aur Balochistan sey “Tan” ley ker unko apas mein jor ker “Pakistan” banaya. Iss ke baad ye lafz taizi se maqbol hota chala gaya. Hindustan ke mukhtalif alaqon mein na sirf Pakistan ke naam se tanzemein qaim huein balke “Pakistan” ke naam se akhbarat o jaraed bhi jari kiya gaya pehla resala 1933 mein Chaudhry Rehmat Ali ne Cambridge ( Britania) sey jari kiya jo Pakistan Qaumi Movement ka terjuman tha.

Pakistan Ki Kahani Mein Writer’s Ka Kirdar

Hindustan mein haft Roza “Pakistan” June 1936 mein Abbottabad Soba Sarhad sey nikla jis key editor Syed Ghulam Hussain Shah Kazmi they.

1937 mein Punjab key Maulvi Ibrahim Ali Chushti ney “Tehreek e khilafat Pakistan” shuru ki aur iss hawaley sey aik skeem pesh ki. 7 Augusst 1937 ki Nawab Ahmed Yar Khan Daultana ney apney aik mazmon mein ye kiyal zahir keya key Congress ki policies ka natija yaqinan Pakistan ki sorat mein baramed hoga.

September 1937 mein Punjab Muslim Fedreation Lahore ney alan keya key shumal Magrabi alaqon mein Pakistan key qayam key lea talba jaddojahad karain. June 1938 mein Lahore key chand Muslim naujawano nay aik tanzeem “Majlis e kabir Pakistan” key nam sey qaim ki.

Pakistan key nam sey dosra resala Qanoon saz Assembly key rukun aur maroof sahafi o shayar Maulana Farooq Dewa Gorakhpuri (professor Majnun Gorakhpuri key walid) ney January 1939 mein Lakhnow sey jari kiya ye bhi haft roza tha.

Hyderabad Dakan mein Muslim league key zair ahtemam 20 May 1939 ko aik confrance munaqid huwa tha. Iss mein Maulvi Mohammed Farooq Dewana Gorakhpuri ney ba hasiat Sadar taqrer kertey huye Choudhary Rehmat Ali ki skeem per roshni dali aur unki taqreer key dauran samayein barabar “Pakistan Zindabad” key narey buland kartey rahey.

“The times London” kay Hindustan mein Moqeem Nama Nigar ney December 1938 mein apney aik mazmoon mein likha Hindustan kay Musalman Pakistan chatey hain. 29 January 1939 ko Sir Abdullah Haroon ney apni aik taqreer mein kaha: Hum Pakistan chahtay hain, 1939 hi mein Pir Ali Muhammed Rashdi nay bhi kaha key “Ham Pakistan chahtay hain, 24 March 1939 ko MS Tusi ney “Ay Pakistani” kay naam sey Eastern Times Lahore mein aik mazmoon mein likha key Hindustan key shumal magrib mein aik Muslim rayasat “Pakistan” kay naam sey qaem ki jani chaeay. 18 November 1939 ko Raja Ameer Ahmed Khan Af Mehmood Abad ney Asam subai Muslim Leag conference sey khetab kertey huey kaha key “Ham Pakistan chatey hain.

Pakistan Ki Kahani Mein

Muslim League Ka Kirdar

Yeh aik ajeeb ittefaq aur hairata angaiz waqa hay key 23 March 1940 ko Al India Muslim League key sataesveen salana ijlas mein Lahore mein jo tarekhi qardad manzoorki gae, iss mein judagana Muslim watan ko “Pakistan” key naam sey mausoom nahin kea gea tha. Muslim league ki working committe ki rukun Amjedi Begum (Begum Moulana Muhammed aki Jauher) ney iss qarardad ko “Pakistan Ki Qarardar” kaha Lahore mein Taqseem-e-Hind ki qarardad-e- manzur honey key bad bhi aik muddat tak Al India Muslim League ki janib sey watan ka koi naam tajweez nahin kia gaya.

Lakin lafz-e-Pakistan Musalmanan-e-Hind ki umangon sesy iss qader ham ahang ho chukka tha key Muslim League ki janib sey iss zamen mein kisi qisim ka bazabtah alan na honey key bawajood na sirf Muslim Leag key rahnuma balkey awam bhi majuza watan ko Pakistan kay nam say yaad karney lagey yeh baat bhi kisi had tak drust hay, kay 23 March 1940 ko manzoor honay wali qarardad ko Hindu Press aur Indian National Congrees ki leader ship nay bhi qarardad Pakistan kaha yeh baat qabil-e-ziker hay kay 1939 tak Al India Muslim League kay plate farm sesy ya kisi leader nay “Pakistan” ka lafz istemal nahin kia hatta key Quaide-e-Azamnay bhi yeh lafz 1939 mein istemal kiya. Quaid-e-Azam Muhammad Ali Jinnah nay 30 July 1939 ko Viceroy Laord Linlighgow sey appeal ki kay woh Hindustan key awam ki marzi key khelaf un per wafaqi dastur mosallat na kerein warna Musalman jo pehley sey “Pakistan” key barey mein shoch rahey hain alahdgi per majbur ho jain gein jis ka yaqenan matlab Hindustan key ithad ka khatma hoga.

Pakistan ka Alan

Pakistan Ki Kahani 14 August 1947

Bare Shagir Pak-o-Hind ki azadi 15 August 1947 moqarrar ki gae thi lakin filhaqeeqat Pakistan ko azadi aik roz pehley 14 August ki sah paher ko mil gae keonkey Waiser Ae Lard mount Baten ko Nae Dehli mein adhi rat ko India ki rasoom Azadi mein shareek hona tha iqtedar ki muntaqlli ager chay Karachi ki aik taqreeb mein 14 August ki sah paher ko ho gae thi lakin Pakistan key Radio Station rat key sareh gearah bajey tek yahi ilan kertey rahey “Yeh Al India Radio hey” jabkey puri qaum bechaini sey shasusi team shibi Transmission ka intezar ker rahi rhi iss waqt Pak-o-Hind key aksar shahron ki galleon aur mahallon mein agg kay sholay buland ho rahay thay firing ho rahi thi. Khanjer zani ho rahi thi tezab ki bhari hui botlein aik dusrey per phenki ja rahi thin paidal aney waley qaflon ya mahajren sey chat tek ati hui rail garyon ko rok kar logon ko groh der groh qatel kea ja raha tha.

Aisey sangeen halat mein Radio key sewa mulk mein aur koi zaria aisa nahin tha jis sey Pakistan key qaiam ka baqaeda ilan kea ja sakta tha iss waqt Pakistan mein sirf teen Radio station they Lahore Karachi aur Peshawer.14 August rat ko theek gayarah bajey Radio Lahore ney tareekh mein akhri mertaba apney nasharey mein alan kea”yeh al India radio hay” [achas minut bad jab barah bajney mein des minut rah gaey to Radio Pakistan ki apni aburi dhun hawa key dosh per lehraney lagi yeh dhun Pakistan key Azeem Nagma Nawaz Khaja Khurshid Anwer ney banai thi iss dhun ko suntey hi lakhon log apney apney Radio set key gird jama ho gaey Pur josh, pur azam aur shadman-o-farhan jab barah bajney mein sirf aik minut rah gea to yeh dhun dherey dherey pes manzer mein jaker gaeb ho gai aik awaz ubhri “Ab sey kuch der bad Pakistan ki azad aur khud mukhtar mumliket wajud mein aney walli hay.

Phir Radio per clock ki tik tik tik ki blund awaz sunai deney lagi samaeen key dil ki dharkanain taiz sey taiz honey lagin pehley angrezi mein awaz aie Diss iz Pakistan broud kasting service pher Urdu mein awaz aie yeh Radio Pakistan hay nashri alamya ki Hindi sey Urdu mein tabdeli aik itna bara waqea tha key samaeen jazbati ho gaey khushi sey aik dusrey sey chimat gaet baz logon ney Radio Station per Telephone ker ey mobarak badian pashe kien. Iss key bad intehai khushul han qari ki awaz mein Quran Majeed ki surah Ftah ki ibtedai ayat ki dil awez Qirat honey lagi.( Tarjumah Ae Mohammed- ham ney tum ko fatah di fatah bhi sareh o saf takey Allah tumhara agley aur pichley gunah bakhs dey aur tum per apni nemat puri ker dey aur tum ko sedhay rastey chalaey aur Allah tuhari zaberdet madad keray) Sa maeen ki rooh Quran sey mamur ho gae Qurat key bad Radio Pakistan key Arkstera ney aik bilkul neya saz chera ab samaeen key jazbat musarrat o khushiyon sey labreez they aur saber ka paimana kisi bhi waqt chalakney wala tha aien usi waqt Allama Iqbal ki aik nazam Qawali ki surata mein gai gae. Azadi ka khasusi teem Shibbi program Tahrek Pakistan aur jaddo jahad Azadi key mokhtaser bian per khatam hua jo mashhur gazal go shaier Hafeez Hoshyarpuri ney tahrer kea tha.

15 August ko Radio Pakistan ki subah ka Agaz surah Al Imran ki Aiet 26 ki Qirat se hua (Tarjuma kaho key ae Allah Badshahi key Malik too jis ko chahey Badshahi bakhshey aur jis sey chahey Badshahi cheen ley aur jis ko chahey Izzat dey aur jis ko chahey zaleel keray her tarah ki bhalai teray hi hat mein hay aur be shak too her cheez per qadir hai). Telawat Quran key bad Angreazi mein khabrain huin pehley news bolaten mein khabron ki tarufi surkhiyan nahin thin. Jab khabrein Radio station per mousool huien to un mein sey aik khaber ye bhi thi key Red Kulf Award key motabiq jis ka ilan 17 August ko Lord Mountbatten khud karien gein Gorad Spor India ko day deya gea jabkey trophy naqshey naqshey mein Gorad Spor ko Pakistan ka hissa dekhaya geya tha. yani teen din bad yeh khaber serkari tour per nashar ki jaegi iss sey Radio key afsaran bala sakht motafikr aur pareshan ho gaye. Iss waqt Lahore radio station sey Musalman Mahajiron aur qaflon key leye khasusi hidayata nashar ki ja rahi thein jin mein ye bataya ja raha tha key Mashraqi Punjab key Musalmanon key leye kon kon sey moqamat mahfooz hain mahfooz moqamat mein sey aik Gorad Spor bhi tha jis key barey mein bar bar alan keya jar raha tha afsaran bala ney apas mein mashwara ker key foran alan ko raka aur bar bar dusra ilan nasher keya geya jis mein musalmanon ko hidayat ki gaye key woh Goro Spor her giz na jaien Gorad Sport Musalmanon key leye mehfooz moqam nahien hai. Ye 15 August 1947 ki bat hay iss tarah hazar ha Musalmano ki janein bach gayein.

Yahan humnay Roman Urdu mein aapnay pardnay walon kay liye Pakistan ki Khani paish ki hai. Takay aap ko bhi maloom ho kay Pakistan ki kahani mein kis kis nay kia kirdar ada kia